嚟到第4集嘅＜Like Japan 山梨Plan＞ ，今次3個女仔決定做吓手作仔提升「女子力」，一齊去山中湖嘅「Dallas Village」做手作仔～依到有得整陶瓷、吹玻璃、做銀器飾物等等，最後我地決定燒玻璃珠，親手製作獨一無二嘅玻璃珠飾物～
燒玻璃珠小資訊
今次我地參加咗「Ｂ とんぼ玉 お得コース（２個コース）」課程，即係「燒玻璃珠（2粒）課程」，3個人或以上參加就最著數！
1人價錢：￥2,000
2人價錢：￥3,797
3人或以上：￥1,704×人數
————————————————————-
玻璃珠製作步驟
雖然睇落好似好簡單，但係想整得又圓又靚都好考工夫㗎～
步驟1 決定玻璃珠款色＆顏色
首先大家要揀玻璃珠嘅款色同顏色，無論係玻璃珠嘅底色定係珠珠上嘅花紋圖案顏免都有好多選擇，真係睇到花多眼亂啊！就算係第一次整，都可以整好多種唔同嘅花紋，例如雲石紋、水波紋、波點等等。除咗依啲花紋之外，依到亦都有其他花紋半製成品任你揀，例如花花、楓葉等等，製作時只需要將依啲花紋半製成品黏上玻璃珠到就得，成功率100%！
————————————————————-
步驟2 燒玻璃
大家揀好晒玻璃棒嘅顏色後，就可以埋位燒玻璃啦～首先將玻璃棒燒熔，等到啲玻璃變成流質狀態之後，就將佢卷上另一枝玻璃棒到燒，燒到佢圓碌碌咁先合格㗎！一開頭以為整波點好簡單，但係原來將啲白色玻璃點點平均地黏上玻璃珠上面係好困難㗎！好彩第二次挑戰嘅富士山玻璃珠整得好成功啫！
————————————————————-
步驟3 挑選配件（繩、扣、配珠）
配件方面主要都係繩同扣，大家睇吓自己想將粒玻璃珠整成頸鏈、手鏈定鎖匙扣等等，店員就會推介合適嘅配件畀你㗎啦～頸鏈同手鏈嘅繩有白色、黑色同啡色揀，另外裝飾用嘅玻璃珠有十幾種唔同大細同顏色選擇，真係揀到人心大心細啊～
————————————————————-
步驟4 編織手繩
如果揀咗整手鏈的話，就要自己織手繩啦～放心織法好簡單，只要你識得整鬢辮就一定會整到！織好手繩之後，將自己整好嘅玻璃珠同剛才揀好嘅配珠串上手繩到就大功告成啦！
————————————————————-
靚景cafe
依到除咗有得整玻璃珠之外，仲有間靚靚cafe㗎！大家可以喺到食早午晚餐，再唔係學我地整完玻璃珠出嚟食個pancake下午茶又得！個pancake又厚又大件，食落有啲似蛋糕（笑）除咗一般餐飲之外，室外仲有得bbq㖭～最後無論係做手作定食嘢，有予約的話都可以獲得優先處理，大家可以上官方網頁send e-mail或者打電話去予約都得～
————————————————————-
交通小貼士
乘搭高速巴士於「撫岳荘前」落車，徒步5分鐘／
乘搭路線巴士於「三国山ハイキングコース入口」落車，徒步1分鐘／
乘搭路線巴士於「旭日丘」落車，徒步1分鐘
————————————————————-
クラフトの里ダラスヴィレッジ
工作室營業時間：10：00－18：00
餐廳營業時間：11：00－18：00（星期六日及公眾假期開放至21：00）
地址：山梨県南都留郡山中湖村平野479-29
電話：0555-62-2774
休息：星期四
—————————–
#1 河口湖紅葉祭：
https://www.likejapan.com/
#2 訓住浸都得？！必試富士山絕景 溫泉：
https://www.likejapan.com/
#3 日本傳統燒烤爐端燒名店 「山麓園」：
https://www.likejapan.com/yamanashi3
About Post Author
