日本賞花時間情報！每年大家都期待日本櫻花盛開的日子吧！其實日本四季分明，地勢由東北向西南延伸，各區自然有唔同嘅季節花卉，值得一賞嘅又點止櫻花一種呢？LikeJapan就根據日本網站資料，幫大家整理出日本嘅全年花季，方便大家隨時查閱賞花情報！
相關文章：夏天日本賞花6-8月花季熱點攻略
日本賞花時間1. 富士芝櫻 （4月中至5月底）
芝櫻是北美洲傳入的品種，一般有白、粉、紅、紫等顏色。而日本首都圈中最大級嘅芝櫻會場就喺富士山芝櫻祭啦！每年4月中旬起，富士山山腳下就會開滿芝櫻，數量多達800,000棵，形成一片搶眼嘅花海！
芝櫻顏色有好多種，而富士芝櫻就有7個品種，除了上面6隻顏色，還有桃紅色的Scarlet Frame！
不少由東京出發的人，因為車程偏長，會選擇在箱根住一日，第二日先去河口湖賞櫻，咁就唔洗趕頭趕命啦！
富士山芝櫻祭
- 地址：山梨縣南都留郡富士河口湖町本栖212
- 電話：0555892127
日本賞花時間2. 粉蝶花 （4月底至5月中）
提到粉蝶花，好多人都會諗起非茨城縣嘅國營日立海濱公園！每年4月底，就會開春天嘅代表花種-粉蝶花，粉藍色嘅花開滿成個山丘，同天空嘅藍色融合成一片，好夢幻！唔少日本人都會特登搭車去朝聖㗎！
花海、天空同大海連成一片，成個view都喺湛藍色！
國營常陸海濱公園
- 地址：茨城縣常陸那珂市馬渡大沼605-4
- 電話：0292659001
- 官方網站：按此
日本賞花時間3. 紫藤（4月至5月）
一串串垂落的紫藤花海，在每年4、5月唔可以錯過嘅美景！不過，近年九州、關西同關東地區嘅紫藤花，都有遲開花嘅趨勢，未來即使6月初都可能仲見到盛開嘅紫藤花海。
不少人都推介去足利花卉公園睇紫藤花，因為果度被美國CNN評選為世界10大夢幻旅遊景點！足利花卉公園有約1000平方米嘅花架，掛滿大藤、白藤同黃花藤，形成一條花隧道！
紫藤花開花順序喺淡紅色、紫色、白色再到黃色，所以唔同時期去，都會睇到截然不同嘅景象！
足利花卉公園
- 地址：栃木縣足利市迫間町607
- 電話：0284914939
- 官方網站：按此
日本賞花時間4. 繡球花 （6月）
6月是日本是梅雨季，所以唔少旅客都會避開呢段日子到訪。不過，繡球花最盛放時期就正正喺6月！繡球花又名紫陽花，以鎌倉嘅北鎌倉同長谷區域最為出名！
由於鎌倉喺日本歷史上嘅重要城市，所以當地有好多歷史悠久嘅寺院㗎！明月院、東慶寺、圓覺寺等都好出名，而唔同寺院內嘅紫陽花，佢地嘅顏色同形狀都有異，好值得一去！
明月院嘅藍色紫陽花就好有名氣，被稱為「明月院之藍」！
明月園
- 地址：神奈川縣鐮倉市山之內189
- 電話：0467243437
- 官方網站：按此
日本賞花時間5. 薰衣草 （6月底至8月初）
講起薰衣草，當然唔可以唔提北海道富良野啦！富良野薰衣草花田位於丘陵地帶，每年6月底就部分開始盛放，染成一整片粉紫色，吸引好多國內國外旅客去賞花！
因應唔同品種嘅薰衣草，會有唔同嘅賞花期。富良野占地最廣嘅薰衣草是Okamurasaki，屬於開花期較遲嘅品種，所以到7月中旬先會盛放。
唔少地方都有薰衣草采集體驗場，俾大家親手做手工，大人細路都適合參加！
富田農場
- 地址：北海道忠富良野町基縣北15
- 電話：0167-39-3939
- 官方網站：按此
日本賞花時間6. 牽牛花（7月）
牽牛花因為有朝早先盛開嘅特性，喺日本被稱為「朝顏花」。東京嘅入谷區就以入谷朝顏祭最出名，每年7月都會大搞花卉市場，除咗賞花，仲可以去埋附近嘅食物攤位同雜貨店，有嘢睇又有嘢買！
會場有差不多一百間花店，俾大家購買牽牛花番去欣賞。有啲人仲會著埋印有牽牛花番去pattern嘅浴衣去！
相比之下，谷朝顏祭比以上介紹過嘅地方較少外國人去，所以想體驗下地道嘅文化，不防去參加下吖！
入谷朝顏祭
- 地址：台東區下谷1-12-16
- 電話：0338411800
日本賞花時間7. 向日葵 （7月下旬至8月下旬）
講到日本嘅夏天，唔少人仲會諗起「黃色地毯」，姐係超靚嘅向日葵花海呀！一望無際嘅黃色花海，的確係日本夏季必睇嘅絕景，每年都吸引好多香港人去打卡！日本國內有好多個出名嘅向日葵花海。
北杜市明野太陽花節就以360度美景最為出名，因為背面就係南阿爾卑山山脈，向上望又有藍天白雲，所以就被外界稱為有「全景嘅美景」啦！而且，呢個地方嘅日照時間長度係日本第一，開花時間就自然更長啦！
北杜市明野太陽花節
- 地址：山梨縣北杜市明野町淺尾
- 電話：0551421423
另一個賞向日葵熱點，就係北海道嘅北龍町向日葵田！超廣闊嘅田地上，開滿150萬棵向日葵，數量絕對驚人！
除左賞花，當地仲會搞好多相關活動去慶祝。好似今年嘅北龍町向日葵祭2017，會場有巨型向日葵迷宮，仲提供遊覽車同單車租借，不時舉行啤酒party、花火大會等活動，好值得去體驗下！
北龍町向日葵祭
- 地址：北海道雨竜郡北竜町板谷143-2
- 電話：0164342082
日本賞花時間8. 掃帚草 （9月尾至10月底）
踏入秋季，就到睇掃帚草嘅時間啦！掃帚草其實由夏天開到秋天，但入秋後先由綠色慢慢變成紅色，所以唔少人都會等到9月尾兒去賞花！
圓圓嘅外型象徵住夫婦圓滿，好可愛！
日本最為出名嘅掃帚草觀賞地，喺茨城國營常陸海濱公園，姐喺頭先介紹賞粉蝶花嘅地方！果度嘅掃帚草數量過3萬棵，圓枯碌外型開滿成個山頭，好狀觀㗎！
國營常陸海濱公園
- 地址：茨城縣常陸那珂市馬渡大沼605-4
- 電話：0292659001
- 官方網站：按此
日本賞花時間9. 彼岸花 （9-10月)
彼岸花又稱曼珠沙華，學名為「Lycoris radiata」（石蒜），是秋季日本特有的美麗花卉。這種花通常在每年9月中旬至10月初盛開，鮮紅色或白色的花朵成片綻放，形成壯觀的景象（另外《鬼滅之刃》中的青色彼岸花是不存在的！）。彼岸花的花語與「分離」、「再會」有關，因此在日本文化中常見於墓地或寺廟附近。儘管彼岸花帶有一絲神秘與哀愁，其獨特的美感和與秋天深厚的聯繫，使其成為眾多賞花愛好者的珍愛。
詳情：日本彼岸花2024花期｜9-10月全國彼岸花海秘境 500萬株火紅絨毯重現《地獄少女》經典場景
日本賞花時間10. 紅葉（11月中旬)
雖然最近天氣仍然十分炎熱，但]2024年也迎來二十四節氣中的「處暑」。再經歷一段爭秋奪暑後，秋天便正式來臨，而這也代表日本的楓葉季的到來。雖然2024年紅葉預測時間還未發表，但大家可以參考去年預測及日本全國11大紅葉秘景情報，做足準備！
詳情：日本全國紅葉情報2024！最佳賞楓時間預測 最早11月上旬＋紅葉名所排名
日本賞花時間11. 銀杏 （11月下旬～12月上旬)
當提到東京內的秋天景色，除了東京紅葉景點外，當然少不得最令人著迷的莫過於金黃色的銀杏大道！東京有眾多著名的銀杏景點，而且交通便利，讓您隨時都能輕鬆出發探索。走在熟悉的城市街道和公園，被金黃色的銀杏樹葉所環繞，彷彿置身於一幅浪漫的畫卷中，絕對是一個理想的旅遊目的地。讓我們一同展開這段美麗的銀杏之旅吧！
詳情：東京銀杏景點2024｜10大秋季必賞 明治神宮外苑/昭和記念公園/光之丘公園
資料及圖片來源：allabouthokkaido、富士芝櫻祭官方網站、Visit-japan、足利花卉公園官方網站、暢遊日本、富良野觀光協會官方網站、入谷朝顏祭官方網站、北竜町PORTAL、北杜市官方網站
日本旅遊指南｜出發前準備
最後，出發前別忘記購買電話卡及下載實用旅遊App！祝旅途愉快！
詳情：8大日本SIM/電話卡推薦｜日本電話號碼＋無限數據 低至$15/日
詳情：8大實用日本旅遊App推薦！交通、美食、行程規劃、購物優惠券、翻譯
About Post Author
