「POKEMON GO」經濟效益強勁!! 背背龍活動衍生20億日圓消費

結合動漫電玩作品與城市合作，對雙方衍生巨大經濟利益嘅例子近年屢見不鮮。例如P.A. Works 嘅聖地商法、『少女與戰車』同大洗合作、飛驒高山與『冰菓』、『你的名字。』合作等等。而最近風頭有少少回落嘅「POKEMON GO」上個月就同幾年前「311大地震」嘅受災城市石卷市等東北沿岸地區合作舉辦活動，雖然最後受到海嘯警報影響而要提早兩日結束，不過所帶嚟嘅經濟效益仍然驚人！

 

 

活動內容大致就係由11月11日起至11月23日期間(最後活動於11月21日結束)，包含岩手縣、宮城縣與福島縣等沿岸嘅「背背龍」出現率將會大大提升。

 

 

由於背背龍出晒名少見(香港大約一日4-8隻，傳說馬鞍山比較多)，活動期間有部分地區就試過1個鐘出16隻，而石卷市亦因而佈滿Pokemon Go玩家，連帶附近酒店都全部爆滿(單係12日嘅活動「Explore Miyagi」就吸引咗約1萬人前往岩手縣石卷市)。

 

 

 

而根據官城縣提供嘅資料，喺活動舉行嘅11日期間，石卷市共有約10萬人次來訪，而衍生嘅消費就更加達到20億日圓！ 都咪話唔厲害!!

 

其實同類合作活動帶來巨大經濟效益已非首次。好似以下嘅作品就為合作方當地帶來巨大收益：

 

 

 

 

「十六銀行」就曾推斷『氷菓』為岐阜縣帶來 21億的經濟效益

 

 

P.A. Works更加係展示咗同地元合作嘅道路，其中北陸青春三部曲嘅『花開物語』更幾乎可以話令湯涌溫泉鄉一帶「起死回生」，令人連帶愛上要整個地區，不單為地區創造了一群常客，即使作品完結仍沒有改變，另外更有人因此而於溫泉鄉工作。

 

 

十六總合研究所推算『黑貓魯道夫』、『聲之形』同『你的名字。』三作為岐阜縣帶來229億日圓消費。

 

為大洗帶來無限商機嘅少女與戰車，11月舉行嘅大洗鮟鱇祭錄得破紀錄13萬人

到場，幾乎係大洗町人口9倍