就到情人節啦，諗到送乜野畀honey未？仲送傳統心心朱古力咁無新意？去日本VILLAGE VANGUARD買返個特別啲嘅朱古力模啦，鍾意重口味的話小編有好介紹！( ´∀｀)人(´∀｀ )
就係呢個「人體朱古力模」啦！一個就有齊腦、肺、心臟、胃、腸各部份，只要朱古力顏色溝得好，要整個粉紅粉紅嘅人體奧妙展簡直係一啲難度都冇！記得加返幾滴士多啤梨醬，睇落更新鮮嘛！
唔單止朱古力，個模仲可以用嚟整啫哩，記得要用士多啤梨味去整，因為咁先可以營造到新鮮內臟獨有嘅嗰種血淋淋同鮮嫩無比嘅視覺效果！男朋友見到你竟然花咁多時間為佢準備咁多新鮮內贓，仲唔感動到暈！
如果覺得內臟太重口味唔適合溫文爾雅嘅你，可以考慮吓呢個糞便形嘅蛋糕模，朱古力色嘅蛋糕同呢個模嘅外型極其相襯，有咗呢個模，要整朱古力味屎真係易如反掌！
除咗蛋糕模，仲有呢個size細啲嘅朱古力模都係情人節必備，親手將一粒粒朱古力放入男朋友個口入面，男朋友實甜到入心啦！
發售日期：2017年2月1日
發售地點：日本VILLAGE VANGUARD
售價：人體器官朱古力模 ¥1,200、3D糞便形蛋糕模 ¥950、糞便形朱古力模 ¥900
官網：www.village-v.co.jp
About Post Author
