『幪面超人』呢套陪伴幾代人成長嘅作品，話咁快就45週年！ 最近官方就同Lawson合作，將『幪面超人』同Lawson嘅人氣商品「炸雞君」溝埋出特別版『炸雞君幪面超人變身味(照燒 & 芝士味)』，食嘅時候一開始係照燒味，但係之後食到一半會特然變咗芝士味喎！
咁都唔止，大家唔知今年年中有冇試過『勇者鬥惡龍』同「炸雞君」嘅合作商品呢？ 如果有試過嘅話，對於俾錢嗰刻應該印象好深刻啩。冇錯！ 今次嘅「炸雞君幪面超人變身味」，俾錢嗰時都係有音效嘅！ 當收銀員讀取商品條碼時，收銀機係會播放變身音效！ 到時全便利店都知你變身緊做幪面超人！ 這究竟是甚麼羞恥play!!
而喺合作期內，便利店係會按以下時期播放唔同變身音樂：
2016年12月27日〜12月31日：幪面超人1号 變身音效
2017年1月1日～ 1月4日：幪面超人2号 變身音效
2017年1月5日～1月10日：幪面超人V3 變身音效
仲有，各店舖頭50名幫襯嘅仲送多個特製原創別針俾過你喎！ 詳細如下：
2016年12月27日～送完即止 「幪面超人1號 風雷電」原創別針
2017年1月1日〜送完即止「幪面超人2號 旋風號」原創別針
仲有仲有，食家係有700份之1係有「幪面超人個大頭」喎！ 大家咗嘅話麻煩上LIKEJAPAN FACEBOOK分享喎！ 小編睇咗當食咗XD(打還打，唔好打面！)
About Post Author
