日本「Muji」計劃由2017年開始喺「無印良品」店內販賣新鮮食品。通過産地直送嘅方式採購不符合大小同形狀規格嘅蔬菜，再喺門市同網上銷售。
暫時已經喺有樂町旗艦店試業過，未來將向其他門市擴展，並會不斷擴充商品種類，銷售應季蔬菜。
該計劃將以「MUJI marche」進行銷售。而櫃位並非設於店內，而係店外設置臨時櫃臺販賣，預計網上同實體店都會根據蔬菜的採購狀況而不定期進行銷售。
而除咗唔合規格嘅蔬菜之外，無印仲會採購農戶生産多咗而積壓嘅蔬菜，再以低於一般超市價格出售，既不浪費又令消費者得益，仲唔係一大福音。
About Post Author
