之前小編就同大家提過，日本「國家級方丈」任天堂嘅「精英軍團」法務部最近就針對近日活躍於日本街道上嘅Mario Kart，向其營運公司「MARICAR」提出訴訟，指其租借服務喺未經許可下使用遊戲簡稱「Mari Kart(マリカー)」作為公司名稱，同時租借有瑪利歐嘅造型嘅服裝等都涉及商業侵權行為，所以已經於東京地方裁判所申請禁制令，並對任何對任天堂造成嘅損失要求賠償1000萬日圓。
當時一方面日本嘅網友，特別係經常於マリカー出沒嘅路線上出入嘅道路使用者表示歡迎，亦有人認為任天堂太過小氣，更多係由於佢個網站已經消失咗嘅關係，所以都表示擔心係咪冇得玩。
不過マリカー似乎就愈玩愈大啦。繼早前佢哋發聲明自稱佢哋已經知會過任天堂，仲指部分劣質業者冇知會過任天堂就冇事，佢哋反而出事實在離譜，同佢哋2016年6月登記商標「マリカー」同「リアルマリオカート」(REAL MARIO KART)時任天堂都冇表示反對，唔明而家點解會俾人告。當然傳媒好快就查到，佢口中嘅業者當中，有如「アキバカート」等公司，其實同「マリカー」係同一個老板……
「マリカー」方面嘅回應
不過呢頭仲同任天堂作戰緊，佢哋已經「成功轉型」！ 有日本網友目擊再次有「マリカー」玩家出現！ 而且今次竟然變晒「迪迪尼」裝！「マリカー」終於都向「世界級方丈」迪迪尼挑戰啦XDDDDD
About Post Author
