無端端又會有個妹嘅!?  日本經典零食「好味棒」出新角推銷量!!

F冇幾耐之前童星點心麵就換過新嘅「第三代代言人」「ホシオくん」，係唔係好可愛就見仁見智啦。不過對於推出「更新更貼地」嘅代言人呢個風潮就似乎會繼續落去喎。好似呢頭童星點心麵代言人嘅交接儀式都未夠三個禮拜，嗰邊廂日本嘅國民級經典零食「好味棒(うまい棒)」又宣佈加一個新嘅代言人。

先同大家回一回帶睇返童星點心麵代言人嘅交接儀式

再同大家回帶，「好味棒」而家個代言人「うまえもん」係咁樣樣嘅。

而今次官方發佈嘅新代言人就係佢阿妹「うまみちゃん」……

差太遠吧!!!!!!!!!!!!!!!!!!!!!!!!!!!!!!!!  先唔討論義兄妹嘅問題，兩個人睇起嚟根本連種族都唔同啊啊啊啊啊啊啊啊啊！ (利申：絕對冇種族歧視！)

會唔會好似多啦A夢同大雄咁情同手足咋？ 有網友改咗圖認為咁先至係合理。不過根據日本網媒「ねとらぼ」訪問所得，官方企劃者方面堅持うまみちゃん係うまえもん個妹。

由妹妹代言嘅產品「好味棒 芝士味」，新包裝嘅商品就已經喺面向業界嘅「Supermarket Trade Show 2017」中「出道」！ 而日後亦預定4月開始陸續登陸日本各大遊樂設施，以30枝一大袋嘅形式同大家見面。