為咗成為一個出色嘅精靈訓練員，你可以去到幾盡？Pokemon Go熱潮令到一眾玩家紛紛走到室外，不過同時有啲太專注嘅玩家就因此而發生意外。好似香港之前就有青年失足跌落河、喺美國甚至有玩家跌落懸崖?。
而事實上除咗小精靈之外，好多道館都位於一啲比較「特別」嘅位置。日本網友「スミ松」就係Twitter上面公開咗一個非常特別嘅道館。
呢個名叫「神磯の鳥居」嘅道館位於日本茨城縣大洗町大洗磯前神社之內。
睇落好似無咩特別。
但原來呢個鳥居係位於海邊嘅岩石上面，而且附近海浪都幾急速，潮漲嘅時候分分鐘成條路消失於海中，而且仲好易被捲走。
雖然而家仲未有任何意外發生，不過提醒大家玩遊戲之餘都記住留意身邊嘅環境呀，如果唔係車厘龜出動都救你唔到㗎 XD
About Post Author
