『Yuri!!! on ICE』相信冇咩動漫粉絲(特別係女性)唔識啩。呢套動畫自上年10月播放以來可以話係壓住同期其他作品嚟打！ 淨係睇今年東京動畫獎嘅戰況就知腐女性擁躉動員力有幾恐怖 ,除咗排第二都係以女性觀眾多嘅鬼牌遊戲外基本上已經冇對手。
當然好多動漫週邊相關嘅企業都睇準呢個商機啦，有出動漫角色床單同窗簾嘅MS FACTORY(エムズファクトリー)最近就正密鑼緊鼓預備推出『Yuri!!! on ICE』嘅床單，由於插畫正在監修中所以就冇公開商品全相，不過佢只係公開咗勝生勇利個BODY，同埋3個角色嘅剪影，就已經得到超過19000嘅轉推。你估出咗之後又會點？
https://twitter.com/emuzu100/status/823710932073213952
今次發表嘅床單共有3款，包括勝生勇利、域陀同尤里，從已公開嘅剪影嚟睇，似乎就冇咩點著衫喎，淨係靠估已經J死人。淨係睇回覆，由顏文字到GIF到自製圖到動畫劇照真係咩都有，連英文回覆都一大堆！ 今次真係預備又斷市。
所以結果應該都係咁上下。明嘅，嗰種心情小編好明白！
About Post Author
