成日都話日本7仔係覓食好地方，你睇！又有見到唔試一定成後悔嘅新甜品喇！
今次嘅重量級雪米糍極之犀利，外層係軟綿綿嘅朱古力，被朱古力包住嘅係極為香濃嘅朱古力雪糕，而最中間嘅位置就係令人心醉嘅白蘭地風味酒心，酒味都幾重，整體味道甜中帶有丁點回甘，咁多重朱古力都唔覺得過甜，仲有好濃烈嘅可可味，白蘭地風味酒心真係功不可沒！
朱古力控睇到包裝上個舊雪米磁，都幾難忍到手唔買。
淨係睇個樣都覺得好吸引，鍾意酒同朱古力的話，咬一啖你更加會驚嘆，呢個甜品不得了！！
唔知係咪呢個雪米糍太好味太受歡迎，唔係間間7仔都買到，所以大家如果見到就千祈唔好猶疑，要即刻買嚟試！
濃厚生チョコ芳醇ショコラ
發售日期：2016年12月7日～
售價：¥228～
About Post Author
