引爆日本SNS話題店舖「吉列豬扒係飲品」今日池袋開幕

之前憑店名「吉列豬扒係飲品」引爆網絡話題嘅 池袋吉列豬扒食店今日終於開幕！店舖勁近車站，西口出嚟腳程夠快真係5分鐘內就到，而且由於店名實在太「爆」，都真係吸引到唔少人停低同幫襯。

其實呢間舖一如外界所料，係另一間知名連鎖食店「咖哩係飲品」嘅系列店。同「咖哩係飲品」「咖哩＋3款自選配菜」呢個模式相近，呢度係會於吉列豬扒定食中可以選3款配菜(全10款)

1.入口即溶卯花（採用大桃豆腐店豆渣）

2.燘蘿蔔乾絲

3.麻辣粉絲

4.爽口醋裙帶菜

5.薯仔蛋沙津

6.水煮鹿尾菜

7.醃青瓜

8.生蛋（拌飯用）

9.山形汁豆腐

10.韓式拌芽菜(好吧這個譯得有啲詭異)

而飯方面一開始可以選細(120g)、中(200g)、大(300g)同山(400g)，價錢上係冇分別嘅，因為飯同椰菜係可以添食，所以一開始飯嘅大細揀完唔使驚返唔到轉頭。

扒定食方面大致包括以下幾種：

淡麗吉列豬扒定食

濃厚吉列豬扒定食

(飯量：山)

淡麗吉列豬扒&吉列西冷牛扒雙拼餐

吉列西冷牛扒

漢之「千層酥」定食

漢之「千層酥」定食呢個名係咪好詭異？即管睇睇到底係咩？即管睇睇咩「環境」？

這堆肉究竟發生咩事!!!!!!!???????

家庭裝？

原來係三拼！由上到下分別為濃厚、吉列西冷牛扒，再到淡麗吉列豬扒。醬汁方面，豬扒係配以最大路嘅豬扒醬食用，而牛扒就係用Wasabi醬油。由於係西冷牛扒嘅關係所以非常柔軟而易入口，加上Wasabi醬油，口感清爽之餘又用後又會留有餘味，超正！而「淡麗」係用到菲力，與「濃厚」相比脂肪少好多，肉質特別軟嫩。

由於要慶祝新開張，所以7月28-30由11:30及18:00開始將會供應特價嘅吉列豬扒定食(限定80份)，價錢只係500日圓!! 去開池袋的話就真係要試下啦!!　不過根據最新消息，開張第一日反應都幾熱烈，平均等候時間約為１小時，而午間嘅特價吉列豬扒定食更加１小時內完售，所以明日想去食嘅朋友記得預早少少啦！