【士多啤梨狂迷注意！】「苺の日」日本7仔必食6大甜品！

日文嘅「1」係「いち(ichi)」，「5」係「ご(go)」，加埋就係士多啤梨嘅日文發音「いちご(ichigo)」，所以日本就將呢日定為士多啤梨日「いちごの日」。日本7仔亦好識食住個勢，趁住1月5日同1月15日呢兩日將士多啤梨甜品通通放哂上架，士多啤梨狂迷一定開心到發夢都識笑！

 

有咁多款當中緊係有幾款係特別吸睛嘅！精選埋畀你都仲係唔知點揀？唔緊要！通通試哂佢！ヽ(`Д´)ﾉ

 

 

 

話明係芭菲當然會有超多唔同配料！呢杯入面有齊士多啤梨果凍、海綿蛋糕、蛋白忌廉、士多啤梨醬同朱古力批，一次過就可以食到咁多唔同口感，抵啊！

 

 

 

7仔嘅原味泡芙應該有好多人都試過，香濃嘅煉奶忌廉一咬就爆哂出嚟，今次呢個士多啤梨版本，煉奶忌廉中仲加咗士多啤梨味，味道層次豐富咗，唔錯！

 

 

 

呢個包係7仔嘅全新產品，圓碌碌嘅外表已經非常討好，估唔好口感更加得人鍾意，煙煙韌韌，中間仲包住用咗士多啤梨Jam同煉奶特製嘅忌廉，味道酸酸甜甜，要食哂一個話都冇咁易！

 

 

 

睇個樣都知呢個係減肥大敵，中間夾住嗰一大堆士多啤梨忌廉就係呢個冬甩嘅精髓，食嗰陣千祈唔好顧住對儀態，一大啖咬落去同時食到忌廉同冬甩先係呢個甜品嘅王道食法！

 

 

 

講到經典冬甩又點可以漏咗沾滿朱古力醬嘅冬甩！呢個冬甩有一半範圍都沾滿士多啤梨朱古力醬，上面仲灑咗士多啤梨脆脆，最驚喜係就算係包裝製品，佢依然keep到好脆口，如果係新鮮即食應該會更加不得了！

 

 

 

有時啲野係越簡單越好味，好似呢個士多啤梨三文治咁，中間嘅士多啤梨完全冇用糖調過味同加工，所以入口帶有微酸，加埋甜甜地嘅忌廉，簡單就係好味。

 

唔止得咁少㗎，7仔話佢地仲會繼續追加多款士多啤梨商品，有幸呢兩日都喺日本的話千祈唔好錯過，唔買都入去開吓眼界！