日本除咗係港人旅遊熱點之外，亦係其中一個工作假期嘅熱點，可惜名額每年只有250個，好多人都未必有機會參加。近日特區政府同日本政府終於達成協議，將「日本工作假期計劃」嘅雙邊年度名額大幅增至1,500個。
2016年嘅第一期「日本工作假期」申請已經完結，不過第二期就即將開始，機會難得，即刻同大家一齊睇下有咩要注意啦！
申請期間 ：
2016 年 10 月 03 日 至 2016 年 10 月 31 日 下午 1 時 30 分～ 4 時 45 分 （不包括星期六、日及本館休館日）
基本條件 ：
1．香港居民
2．18－30歲
3．持有香港特區護照／BNO
4．不可以帶伴
5．身體健康及無犯罪紀錄
2．18－30歲
3．持有香港特區護照／BNO
4．不可以帶伴
5．身體健康及無犯罪紀錄
報名所需文件：
1. 申請表格 － 連同一張 4.5cm X 4.5cm 個人照片 (下載申請表格）
2. 護照（影印本） － 身份資料同簽名之頁數，及曾到訪日本之出入境蓋章之頁數（如有）
3. 理由書 （正本）－ 寫出希望去工作假期計劃嘅理由、入境後希望或預定進行之活動內容等 （A4大小紙張、不限頁數、英文或日文填寫、可用電腦完成但最後必須附上個人姓名，身份證號碼及親筆簽名）
2. 護照（影印本） － 身份資料同簽名之頁數，及曾到訪日本之出入境蓋章之頁數（如有）
3. 理由書 （正本）－ 寫出希望去工作假期計劃嘅理由、入境後希望或預定進行之活動內容等 （A4大小紙張、不限頁數、英文或日文填寫、可用電腦完成但最後必須附上個人姓名，身份證號碼及親筆簽名）
4. 履歷書 － 個人履歷及學歷 ，需以英文或日文填寫（下載履歷表格）
5. 香港永久性居民身份證（正面影印本）
6. 在學證明書或最終學歷證明文件（影印本）
7. 資產證明 （戶口影印本）－ 相當於HK$22,000（回程機票HK$6,000、初期生活費HK$16,000）或以上之證明文件，但如果已有回程機票，只需出示初期生活費HK$16,000或以上即可。
8. 其他自我推薦之資料（影印本）－ 例如：「日本語能 力試験認定証」、日本語學校修了證明書、日本文化（例如：茶道、花道、柔道、劍道等）之相關證明書等（如有、不提交此項資料也可以）
申請方法：
親身到在香港日本國總領事館（香港中環康樂廣場8號交易廣場第一座46樓），領事部簽證組提交表格。
親身到在香港日本國總領事館（香港中環康樂廣場8號交易廣場第一座46樓），領事部簽證組提交表格。
結果公佈：
申請結果將於2016 年 11 月 22 日喺官方網站公佈。
如果成功通過審查，申請者須要本人携同
1. 護照（正本）
2. 申請收據（正本）
3. 海外旅行保險的證明文件（正本及影印本1份）
1. 護照（正本）
2. 申請收據（正本）
3. 海外旅行保險的證明文件（正本及影印本1份）
喺2016年11月23日至2017年2月24日期間前往香港日本領事館領取簽證。（未能於期間內領取即當無效）
成功取證後須於 3 個月內到達日本，並由入境當天開始計算獲認可逗留於日本 1 年。
工作情報：
成功申請後想四圍玩當然要儲旅費先。日本各地嘅工資亦有所不同，好似東京都最低時薪係907円，而喺大阪府就只係858円。
資料來源：厚生労働省
由於近年日本嘅旅遊業越來越旺，所以各個旅遊點都需要大量識外語嘅員工，對於香港人自小學習兩文三語嚟講會係一個優勢（前提係你都要有日文底子），如果日文程度好高嘅話，可以考慮一下翻譯類型嘅工作。唯一一個限制就係，日本工作假期嘅人士不得在風月場所工作！
如果日文真係麻麻咁點算？其實日本都有唔同類型嘅工廠或農場請人，對日文嘅需求相對較低，都係一個求職嘅機會。以下落嚟就提供部分搵工嘅網站俾大家參考下。
1．ボラバイト：偏向義務性質，包含日本農場、牧場資訊。
2．Baitoru：日本熱門求職網站。
3．an：有不同分類選擇的招聘網（全職，兼職均有）。
4．Domo！NET：只限關東、關西、靜岡及名古屋地區嘅兼職求職網。
5．シゴト.in：全國求職網，更新速度快。
6．From a Career：含日本全國嘅求職情報。
住宿情報：
好多日本留學生都會選擇租獨立套房居住，因為自由同私穩度都較高。不過申請手續上就相當麻煩，加上工作假期人士流動性比較高，所以好多時都唔係首選。
取而代之就係日本嘅「Guesthouse」同「Sharehouse」喇，雖然要同其他人共用洗手間廚房等嘅設施，不過相對上價格就會平好多喇。而且房客通常係來自世界各地（或來自日本唔同縣），所以好容易識到唔同嘅朋友，可以得閒交流下唔同嘅語言同文化，都係一個增值自己，擴闊視野嘅好機會嚟㗎！
推介幾個Sharehouse搜尋網站：
1．Fineselect：女性專用Sharehouse網站
2．Oakhouse：可根據車站搜索Sharehouse
3．Hitsuji不動産：日本國內最大的Sharehouse情報網站
4．Sakura House：提供東京、神奈川縣、埼玉縣外國人專用的Sharehouse同短期公寓。有會說不同外語的員工。
5．Suumo：網羅日本全國的Sharehouse情報。
後記：小編個人打工度假嘅經驗，除咗以上準備工夫之外，去工作假期最緊要係勇氣同決心。要勇敢踏出第一步，即使一開始搵工到後期工作上充滿困難，但堅持落去就一定會有成果。無論你選擇邊工作邊遊歷，或者儲一筆錢先再去玩都好，呢個都一定會成為你畢生難忘嘅回憶！大家快啲開始準備，把握機會報名啦！
About Post Author
