隨住時代同科技嘅發展，呢個世界已經可以將好多不可能變成可能，細個成日發夢如果可以有幾件哆啦A夢嘅法寶旁吓身就好啦，點知呢個世界已經進步到好多法寶已經不知不覺咁融入身邊，好似呢個即時翻譯小喇叭，你講一句就可以即時幫你譯做中、英、韓文，最勁就係佢識用返講野嗰個人把聲講返出嚟，功能勁到好似食咗哆啦A夢舊翻譯蒟蒻咁！
你講完一句，隔一陣佢就會用返你把聲以唔同語言講返同一句，好得意啊，玩完一次你會發現原來自己講韓文都幾好聽！
小喇叭上面有個小屏幕，可以睇到原文同翻譯出嚟嘅句子，咁就可以直情用對眼睇埋句野有冇錯。
由於呢個小喇叭主要都係畀公司業務用為主，所以體質同聲量會比較大，一般人拎住出街用就會有啲搞笑，但對於需要成日對住唔同國籍人士嘅人嚟講就好好用，好似喺機場如果職員要叫外國遊客排好隊唔好打尖，就大派用場喇！
睇埋片你就知有幾好用！（個女仔把聲幾好聽XD）
About Post Author
