https://www.youtube.com/watch?v=-IJ4MF9vJaA&rel=0
上年9月京都府長岡京市於等交通燈轉燈號時用手機玩Pokémon Go，轉綠燈時因為冇確認路面狀況就開車，結果追撞前面小型電單車兼事後不顧而去，導致一位女士死亡嘅案件終於判決。
京都地方裁判所宣佈司機根上弘樹罪名成立，將被罰1年6個月「禁錮」(坐監但唔使做苦力)，但緩刑5年。
根上弘樹(48歲)原本為大型吊臂車司機，於去年9月交通燈紅轉綠開車時，追撞一架小型電單車，並將女司機拖行約百多米致死。
成個判決嘅關鍵根據在於根上雖然承認「在等轉燈時玩Pokémon Go，不過在開車及車輛行走時就沒有玩過。」同「由於小型電單車不在其重型車司機座嘅視線範圍內，所以根本冇發現追撞,因此根本不存在不顧而去。」
裁判官相信被告所言，不過仍指出就算小型電單車不在視線範圍內，但司機仍可以透過車CAM發現有小型電單車停在其車頭前。因此不應目視見唔到就當冇。」,加上被告一世唔再駕駛，因此只判不小心駕駛及判罰1年6個月「禁錮」及緩刑5年。
而死者母親檜森素江就希望日後任何因打手機遊戲而邢起嘅事故都應重罰，才能令其女兒嘅死有價值。
About Post Author
