【又驚又喜】一次睇盡《Universal Surprise Halloween》2016

首先講咗日間活動先。唔知係咪因為夜間好多都係R12限制，小學生以下無得玩，所以日間都係主打合家歡，營造大人細路狂熱歡樂氣氛。

 

日間節目「極致狂熱萬聖日」（2016年9月9日起－11月6日）

有minions，Cookie Monster等超人氣卡通人物同大家一齊嘻嘻哈哈，大型巡遊圍繞全個園區，同大家渡過驚喜又歡樂嘅時光！

時間：每日14:30～

地點： 影城全區

 

・「RE-BOOOOOOOORN Party #扮裝狂熱」

對日本人嚟講萬聖節就係扮鬼扮馬嘅日子，而且通常都會扮得好可愛。呢個環節就係歡迎各位入園者一齊扮裝參加，到時仲會係園區播歌，直頭開party咁㗎！

時間：時間未定

地點： 葛萊美西公園

 

・「Trick or treat~玩過籠 ver. ～」

其實USJ每年都有Trick or Treat環節，不過今年玩過籠 ver. 就係升級版，小朋友只要講暗號「Trick or Treat」，就可以去糖果山抓糖。靜雞雞話你知，只要喺園區見到揹住南瓜腰包嘅工作人員，同佢哋講「Trick or Treat」，一樣都拎到糖，啲糖仲係UHA味覺糖嚟㗎！

時間：每日10:00－13:00

地點：好萊塢大道

參加限定：小學以下

到夜間重頭活動嘅重頭恐佈環節「 萬聖驚魂夜」！一共有10個設施，其中4個仲係新登場。用盡日本、外國嘅恐佈電影主題。今年更係首次Halloween期間（2016年9月10日起－11月6日）每日舉行！！

＝＝＝＝＝＝＝＝＝＝＝＝＝＝＝＝＝新節目＝＝＝＝＝＝＝＝＝＝＝＝＝＝＝＝＝＝＝＝

・「街頭喪屍」 及 「喪屍群聚」

每當下午6時起，噴血喪屍會喺全園區出沒，USJ將會變為喪屍地獄。

 

・「J驚恐園區」 及 「崇 Tatari ~活公仔的詛咒~」

喺條杳無人煙嘅荒廢村落 （J驚恐園區），入面有間淡嶋神社，寄放好多日式公仔。遊客走入神社迷宮「崇 Tatari ~活公仔的詛咒~ 」，將會受到公仔嘅熱烈歡迎，仲會目睹毛骨悚然嘅儀式。今次USJ史上首次大玩日式心理恐佈風格⋯

時間：12:00～

地點：J驚恐園區

參加限制：R12

 

・「Trauma 2 ~最恐怖實驗病棟~」

再度歸來嘅Trauma，係眾多節目中最恐佈，最驚嚇！舊年唔少人玩到中途棄權離場，今年以密室實験室形式再登場。參加者要被綁手綁腳化身人體實驗品，受四方八面而來嘅刺激，無路可逃嘅情況下，你受唔受得住⋯

時間：每日12:00～

地點：Stage 18 1樓

參加限制：R15

＊須於參加前簽訂契約書，表示願意承受心靈創傷風險

・「驅魔人 ~驅魔人之館~」

以電影《驅魔人》為主題，參加者將會目睹《驅魔人》最經典嘅驅魔儀式，詭異聲音，頸部不正常的扭曲方式，奇怪嘅走路姿勢等等將會一一重現。

時間：每日12:00～

地點：皇宮劇院 2 樓

參加限制：R12

＝＝＝＝＝＝＝＝＝＝＝＝＝＝＝再度歸來＝＝＝＝＝＝＝＝＝＝＝＝＝＝＝＝

・「猛鬼街 The Maze 2」

以電影《猛鬼街之惡夢》為主題，參加者進入噩夢世界後，以從Freddy手中逃脫為目標。

時間：每日12:00～

地點：宮殿劇院 2 樓

 

・「娃鬼 Chucky 的恐怖工廠 3」

以電影《娃鬼回魂 》為主題，參加者再一次體驗於荒廢玩具工廠中會否被娃鬼Chucky殺害之恐佈心理。

時間：每日12:00～

地點：宮殿劇院 2 樓

 

・「咒怨~被詛咒的遊樂設施~」

今年於4D 電影院及「烈火雄心」再呈現仿如真實般的靈異現象。

時間：每日18:00～

地點：4D 電影院 及「烈火雄心」

 

・「貞子 ~被詛咒的遊樂設施~」

平時嘅「未來戰士 2:3-D 」會變身為貞子詛咒遊樂場。恐佈程度唔高，細膽人士，或想熱身可以去試下先。

時間：每日18:00～

地點：未來戰士 2:3-D

 

全園區地圖一覽：

＝＝＝＝＝＝＝＝＝＝＝＝＝＝＝＝＝＝＝＝＝＝＝

 

咁多野玩，梗係要買快證啦，唔係點玩得晒呀。而快證都有分4種，睇你想玩幾多項設施而定。

票價：連稅6900円

包括： 『崇 Tatari ~活公仔的詛咒~』、『Trauma 2 ~最恐怖實驗病棟~』、『驅 魔人 ~驅魔人之館~』、『猛鬼街 The Maze 2』及『娃鬼 Chucky 的恐怖工廠 3』 ，上述5項

票價：連稅4500円

包括： 『崇 Tatari ~活公仔的詛咒~』、『驅 魔人 ~驅魔人之館~』、『猛鬼街 The Maze 2』及『娃鬼 Chucky 的恐怖工廠 3』 ，上述4項

 

票價：連稅3300円

包括：『咒怨~被詛咒的遊樂設施~』、『貞子 ~被詛咒的遊樂設施~』 及（『崇 Tatari ~活公仔的詛咒~』、『驅魔人 ~驅魔人之館~』、 『猛鬼街 The Maze 2』、『娃鬼 Chucky 的恐怖工廠 3』  4選1）

 

票價：連稅2500円

包括：『Trauma 2 ~最恐怖實驗病棟~』