[專欄：日本在香港]
唔少日本人對香港唔多唔少都會有啲情意結，而其中要提起鍾意香港嘅日本人，就真係要提一提「秋葉原博客女王」中川翔子！橫跨歌手、聲優、作家、漫畫家等等唔同領域嘅中川翔子，早在2006年就已經以歌手身份開始活動，其中《天元突破》嘅主題曲《空色デイズ》更加為佢帶來極大人氣，直到依家都仲係經典動漫歌曲。中川翔子係御宅族，熱愛動漫，佢寫嘅blog仲有10億嘅點擊數。
其實中川翔子仲有一個特別嘅身份──就係「香港觀光親善大使」！到底點解一個日本人會成為香港觀光嘅親善大使呢？
出處：中川翔子官網NEWS (http://www.shokotan.jp/news/?id=44)
多次舉辦香港個人演唱會
中川第一次喺2012年喺香港舉辦個人亞洲巡回演唱會，仲有廣東話嘅標題叫做「大家好！我係中川翔子亞洲巡迴演唱會HONG KONG」。香港歌迷反應熱烈，佢喺演唱會當中話過「喺香港開live一直都係個人目標」，更多次表示「I love Hong Kong」，仲曾經大耍偶像李小龍嘅雙截棍。之後2013年同2014都有以香港作為亞洲巡迴演唱會嘅其中一站。喺唔同嘅演唱會入面，仲有唱過《空色デイズ》嘅普通話版、廣東話版同香港電影主題曲《英雄故事》之類添。
熱愛廣東話
中川翔子喺日本係一個出名嘅香港迷，自細已經嚟過唔少次香港，自然一直都有努力學習廣東話，因此都幾常見佢會以廣東話同香港粉絲交流啊！例如佢演唱會會用廣東話同粉絲講：「大家好嗎 我係中川翔子」、「我地又見面啦！我好掛住你地」，就可以見到佢廣東話嘅流暢程度。佢以前仲試過喺香港餐廳用廣東話叫侍應比白飯佢，結果待應又真係畀咗白飯佢喎。睇嚟佢用廣東話交流真係無咩問題喔。
喜愛香港野食
中川翔子不嬲都好鐘意食香港嘅野，2016年果時去香港食左唔少香港野食，仲特別鐘意香港嘅蒜炒小菜添！佢叫左蒜炒海蝦、蒜炒元貝等等，仲話超好食，好食到停唔到！其他例如飲茶、街頭麵檔、許留山嘅芒果布甸同西瓜汁佢都讚不絕口架！ 早前佢嚟香港拍攝節目時，一直都有更新在港嘅最新情況。當中當然少不了「大刷」一餐啦！
香港大好きすぎる
最高のパワースポット
日帰りでも最高だったなー
なんか元気になって帰ってきました
今日からがんばるぞー pic.twitter.com/43o8XJGjZ3— 中川翔子?????? (@shoko55mmts) 2017年11月24日
推介香港好去處
嚟過香港30次以上嘅中川係blog同fans推薦過好多香港嘅好去處，話希望更多人鐘意上香港。中川推薦粉絲去信和中心買御宅族週邊、去香港迪士尼享受飲茶，仲話香港迪士尼排隊快過日本好多。除此之外就有黃大仙占卜、渡海小輪、維港夜景，仲推介過有忌廉哥嘅書店架。可以見到中川已經去過香港好多地方，名乎其實係「香港通」。
松山から羽田からの日帰り香港！
UFO?みたり走ったりご飯食べまくったりブルースリー様にごあいさつ
濃かった！
飛行機で寝たらそのまま夜までまたお仕事！ pic.twitter.com/WLMJD7iCbK— 中川翔子?????? (@shoko55mmts) 2017年11月24日
香港目擊UFO？
中川係今年嘅11月26號嚟左香港拍左一日外景，竟然係尖沙咀渡輪碼頭拍到不知名飛行物體。佢係自己嘅blog上載左疑似UFO飛行嘅片段。
香港でさっき
未確認飛行物体みちゃった未確認飛行物体?
なにこれUFO？？？ pic.twitter.com/iAisMAMAXw
— 中川翔子?????? (@shoko55mmts) 2017年11月24日
不過由於同期海港城嗰邊有活動放咗幾架無人機上天，所以佢哋應該都幾有機會係中川見到嘅UFO啦XD
About Post Author
