[不再分類！ 退稅數碼化！ ]日本計劃放寬退稅 買滿5000日圓就搞掂

早前8月由日本觀光廳公佈嘅2018年予算概要就提過將會簡化消費稅免稅政策。其中包括「將部分過程電子化」、「取消區分一般物品同消耗品」等等……現時執政黨就計劃於預定12月14日前完成的「2018年度執政黨稅改大綱」中，列入以上措施，希望能於明年夏天或之前實施，預計措施最快可於4月開始執行。

 

其中一直最令遊客頭痛嘅係「難以區分一般物品同消耗品」以及「唔清楚要分開一般物品同消耗品計金額」等等嘅問題，日本政府將會重點作針對性處理。

 

計劃簡化免稅政策 一般貨品消耗品 退稅程序二合一
 

為咗方便外國旅客，觀光廳計劃修改稅收政策，簡化消費稅嘅免稅手續。新措施將放寬原本「一般物品」同「消耗品」兩大類商品，要各自消費達5000日圓才能退稅嘅規定。實行將現行嘅兩類物品合併，只要喺同一日同一間鋪買￥5000 以上、￥500000以下(未包稅)，就可以免稅，唔再分「一般物品」同「消耗品」。當然免稅商品唔可以喺日本用，而係於購買後30日內帶離日本。

重點：修改政策後，由於再冇任何分類，之前所謂巳山嘅一般物品同消耗品嘅金額可以加埋計，即係只要買夠￥5000就達到免稅要求

 

現行免稅政策 一般貨品消耗品 退稅程序做兩次

日本依加嘅消費稅係8%，喺免稅政策下所有唔係長期住喺日本而拎住短期居留（短期滞在）簽證嘅人就合符免稅資格。

免稅規則

可以免稅嘅嘢分做兩類：一般物品同消耗品；一般物品係可以重覆使用嘅物品，例如衫褲鞋襪、手飾家電等等，而消耗品就係用完就無嘅嘢，例如食品飲品化妝品。

一般物品：同一日同一間鋪買夠￥5000 (未包稅)，就可以免稅。一般物品可以喺日本用，要喺買咗嘅6個月之內帶出日本。

消耗品：同一日同一間鋪買￥5000 以上、￥500000以下(未包稅)，就可以免稅。消耗品唔可以喺日本用，所以店員會用個免稅袋入起佢，而消耗品要喺買咗嘅30日之內帶出日本。

重點：因為一般物品同消耗品嘅免稅規則並唔一樣，所以一般物品同消耗品嘅金額唔可以加埋計架！

退稅程序

買完嘢之後就要做退稅嘅程序。拎住passport、買嘢張單同買咗嘅嘢比店員，店員就會整張「購入者誓約書」寫清楚個人資料同買咗D咩。喺誓約書上面簽名，再由店員喺passport上面黐好「購入記録票」同蓋印、退稅。最後去到出境都唔好搣走「購入記録票」、唔好用咗D消耗品，咁就完哂成個免稅手續喇。

https://www.likejapan.com/tpe48hkgirls續令到買夠￥5000容易咗好多，如果同時買咗一般貨品同消耗品亦唔駛分開搞兩次退稅程序。加上2020年日本舉辦奧運，日本政府期望外國訪日旅客增至4000萬人次。遊人日次多咗，買嘢優惠易用咗，相信可以進一步刺激消費。

 

退稅電子化  唔使再釘單落護照

除咗「分類問題」外，退稅過程太繁複，又要釘單落戶照，退稅手續都係一個日本方面希望解決嘅問題。目前嘅做法係商戶將消費單據釘在護照內頁，嘅費時失事又會釘到本戶照「勁厚」。未來這些單據可能會以電子數據代替，直接傳到海關，旅客通關時，海關人員可直接確認，不需再翻護照內頁檢查，加快所有流程。