「29」同日文嘅「肉（Niku）」同音，今年係平成29年，所以牛角除咗將每月29日定為「肉の日」之外，更加將今年定為「肉の年」，由2月9日到28日，以勁爆肉之日活動「すごい肉の日キャンペーン」作為主題，率先推出3個人人受惠嘅特別企畫！
第一個特別企劃對於嘴刁嘅燒肉愛好者嚟講簡直係大喜訊，因為喺呢段期間牛角將會推出牛肩位置及鬈毛豬兩款平時都比較難食到嘅食材！
牛肩位置「うわみすじ」口感同牛腰肉一樣軟腍，一隻牛只有600到700g，非常稀稀，平時想食到都唔係咁易！而另一個被譽為匈牙利國寶嘅鬈毛豬由於產量唔多，喺2004年更加被鑑定為稀少品種，所以可以話係世界級珍貴食材，可以一次過食到呢兩款美食，點冇時間都一定要搵時間去！
第二個特別企劃係一系列嘅coupon，唔係就咁打折咁簡單，而係每張coupon都有唔同主題，好似「放題折扣券」、「牛折扣券」、「眼鏡會折扣券」等等共29種coupon，每張仲有個好得意嘅message，實有一款啱用！
部份Coupon種類：
「食べ放題派割」：食肉嚴喜訊！叫放題全單減¥300！
「牛割」：個名有個「牛」字即送豚肉椰菜絲一客：
「メガネの会割」：唔再畀人叫四眼仔，今日戴眼鏡即變英雄！戴眼鏡人士可獲贈霜降鹽味牛舌一份！
「期限切れ割」：唔理係超市定餐龐嘅coupon，只要係過期通通送你鬈毛豬豚肉一客！
最後一個企劃雖然唔燒得又唔食得，不過著上身影張相一定可以呃好多Like！呢件霜降牛肉紋嘅圍裙成條紅噹噹勁搶眼，但各店只限頭嗰500名客人先會攞到，所以如果一邊成為牛肉佬一路食燒肉，記得唔好太遲去！
牛角 すごい肉の日キャンペーン
地點：日本牛角各店
日期：2017年2月9日～28日
About Post Author
