仲有人記得當年都幾大熱嘅科幻動畫『交響詩篇艾蕾卡7』嗎？
呢部曾經奪得東京國際動畫博覽會電視節目部門優秀賞，並獲選為日本文部省文化廳媒體藝術祭動畫部門推薦作品嘅作品，相信由佢嘅世界觀，到各種嘅機械設定(一堆踩滑板嘅機械人…)，以至成個故事，都為大家有啲年資嘅動漫迷深刻回憶。(甚麼？AO？哪是甚麼？)
相隔12年，呢部作品終於加入重啟行列！
今日官方就宣佈將會喺今年、2018、2019 年各公開一部劇場版，除咗原有嘅內容外，連TV版劇情10年前發生嘅第一次「愛之夏」，同其他之前冇詳細交代嘅今次都會追加落去。
製作陣容基本沿用電視版陣容，總監督為京田知己，劇本：佐藤大，角色設計仍然由吉田健一擔任，而機體設計是河森正治，動畫製作亦繼續係BONES，首部曲預定今年內於日本上映。
©2017 BONES／Project EUREKA MOVIE
About Post Author
