三年前隨著宮崎駿宣佈『風起了』係佢嘅告別作，最後甚至聲稱連吉卜力工作室嘅製作部門都要解體，以示日後唔會製作長篇動畫。
不過，由於宮崎駿以往戰績實在太「彪炳」，已經習以為常嘅大家反應基本都係「娘子，同牛魔王一齊睇耶穌」咁上下。宮老果然「不負眾望」，昨日於NHK電視節目「『NHKスペシャル 終わらない人 宮崎駿』」中透露：「我又復出啦☆」。
今次嘅主角係於吉卜力博物館播放的短片『毛虫のボロ』，話說宮崎駿於節目中表示，由於『毛毛蟲波蘿(毛虫のボロ)』嘅故事概念已經醞釀咗20年，如果只係得短篇會好浪費喎。於是8月佢就主動提出製作一個逾百個分鏡嘅「加長版」。
「加長版」就預計2019年起貨，話說今次製作人鈴木敏夫收到宮崎駿嘅構想時，宮崎駿同佢講「與其咩都冇做就死咗，佢寧願做到一半時死。」所以就決定「去碼」。
About Post Author
