頭先去左行原宿竹下通，發現平時買開飾物既店今日有福袋賣！
無標價錢既貨品，平時340yen一件，今日290yen就有交易！真係超抵！
仲有Hello Kitty既散紙包賣～超卡嘩依～
今日，3月3日，係日本既女兒節。有限定既福袋賣～
540yen一個福袋，入面有8件飾物～
我就揀左呢個兔仔款，就算入面既飾物中伏，呢個袋仔拎黎做M巾袋都好丫～
返到屋企，就準備好心情去拆開喇～估下我有無中伏！？
為左唔好整爛個兔仔袋，我好小心咁去拆走釘書釘～～
望落好似都唔係幾伏～鬆一口氣～
個頭箍～帶落都幾舒服～不過，隻色唔係幾岩我～
兩條頸鏈都唔錯，金色果個，令我諗起Kis－My－Ft2（心）
另外條頸鏈同手鏈可以當一set咁帶～good！
髮夾同襟章還可以接受，係得果個麻布髮圈接受唔到！！！
頂！真係大吉利是過你！！！
今日去唔到買既朋友，聽日可以去睇下，應該賣唔哂，聽日再賣～
540yen有8件野，除開計，67.5yen一件，兌返港紙只係＄4.7一件咋！！！！！
總結，唔算太伏，而且計落真係抵，值得一買！
About Post Author
