好多人拍拖耐咗就會開始偷懶，唔好話同你出街著情侶裝，可能連一齊出街睇套戲都懶。而日本一對結婚近37年的老夫老妻Tomi同Papa，雖然已經年過半百，但依然會成日一齊去旅行、睇展覽、行街睇戲搵好野食，仲會一齊著情侶裝post上網放閃！
佢地嘅打扮襯得黎又夠trendy，Tomi仲會專登將自己嘅黑髮染成銀白色，去襯番老公Papa嘅白髮。而Papa表示，自己本身其實唔係潮人，只係喺Papa眼中，Tomi永遠係一個貪靚嘅16歲少女，所以為咗配合Tomi嘅少女心，Papa願意每日都陪佢著情侶裝！
如果想睇更多，可以上佢地嘅IG：bonpon511，「bon」同「pon」係佢地對對方嘅暱稱，而511就係兩人嘅結婚紀念日。所以話，乍見之歡不如久處不厭，人生嘅小確幸，莫過於同心愛嘅人喺平凡又幸福嘅日子裡慢慢變老！
About Post Author
