美國總統特朗普將會在11月5至7日訪問日本，而今次將會係特朗普首次訪問亞洲國家。
日本政府方面，將會動員逾萬警力，亦會出動衝鋒槍部隊，以應對有可能出現嘅恐怖襲擊。另外，日本警方亦成立了女性警戒部隊，讓女性擔任特朗普女性家眷及其他相關女性隨團人員嘅守備工作。
好啦，講咗咁耐到底同大家有咩關係？ 答案在於一個「鎖」字！
由於要應對有機會發生嘅恐怖襲擊，東京都內市區以及基礎設施都已經開始加強巡邏，所以身在東京嘅網友可能會開始感覺到街上警察同警犬嘅數目開始愈來愈多。而到特朗普正式訪日期間，更會追加市內路障，甚至會有臨時封路。
另外，都內交通機關包括JR及Metro等車站，垃圾桶將會移走，而locker一律停用及封鎖，自動售賣機亦會同樣處理，仲記得上次奧巴馬訪日嗎？ 當時就係將locker、自販機同垃圾桶都一律封鎖同收起，到最後仲畀日本網友將之戲稱為「奧巴馬封印」。
東京METRO就已經搶先宣佈將會全面暫停都內45個站嘅locker，由2017年10月26日開始順次關閉，29日開始暫時不能取回行李，10月30日－11月7日全面封鎖(不同車站時間有機會有些微差別)，locker停用車站包括：
銀座線：淺草站、上野站、三越前站、日本橋站、銀座站、新橋站、虎之門站、溜池山王站、赤坂見附站、
青山一丁目站、表参道站、涉谷站
丸之內線：池袋站、後楽園站、大手町站、東京站、銀座站、霞關站、國会議事堂前站、
赤坂見附站、四谷站、新宿三丁目站、新宿站
日比谷線：上野站、秋葉原站、茅場町駅、八丁堀站、銀座站、
日比谷站、霞關站、六本木站、惠比壽站
東西線：葛西站、西葛西站、東陽町站、門前仲町站、茅場町站、日本橋站、
大手町站、九段下站、飯田橋站、高田馬場站
千代田線：北千住站、西日暮里站、大手町站、日比谷站、
霞關站、國會議事堂前站、表参道站、明治神宮前站
有樂町線：小竹向原站、池袋站、飯田橋站、市谷站、永田町站、
有樂町站、豐洲站、新木場站
半藏門線：押上站、錦糸町站、三越前站、大手町站、九段下站、
永田町站、青山一丁目站、表参道站、涉谷站
南北線：後樂園站、飯田橋站、市谷站、
四谷站、溜池山王站
副都心線：小竹向原站、池袋站、新宿三丁目站、明治神宮前站
如果呢段期間各位喺東京旅行的話，除咗儘量將行季寄放於酒店或者使用宅配服務外，亦可以考慮改用tebura之類託管服務(https://tebura.ninja/ )，部分車站附近都有tebura嘅寄放處，甚至可以透過官網預訂託管。此外，部分百貨公司都會提供類似服務
JR方面現時暫未公佈locker的使用詳情，不過參考上次奧巴馬訪日及今次metro做法，好有可能同樣大部分甚至全部locker都不能使用。
特別注意：11月3－5日為日本三連休（文化日），10月31日前後為萬聖節活動，這段時間在當地的遊客要注意交通狀況啦。
About Post Author
