福袋都可以炎上？淀橋相機搞乜鬼？

又到年尾，福袋都差不多時間出場。以前就話1月1日走去排，家下科技發達，連福袋都可以上網預約。不過一唔小心，關公又會出現。

 

 

 

香港人都好中意去買電器嘅Yodobashi Camera（淀橋相機）14號起接受網上福袋預約，但基本上每年都出現「福袋爭奪戰」，約48種福袋只需20分鐘左右就搶晒，仲經常出現網路癱瘓情況。
有見及此，今年官方就改用手機Apps去預約以防止人群不停去Reload個網站。只不過好多人已經投訴話Android個Apps有問題，例如明明個Apps已經係最新版本，但都仍然會出現要你更新個App嘅訊息。

要拎落單嘅飛，要用最新嘅淀橋相機應用程式。麻煩請更新最新應用程式版本！

 

所以開始接受福袋預約後，網上紛紛出現聲討：

「最新なのにバージョンアップデートしろって何だよ!!　」已經係最新Ver，仲叫我Ver Update想點様？

「Androidの私は朝ダウンロードしてるから最新のはずなのに進めない」用Android嘅我今朝Download咗最新啦，但都係去唔到下一歩。
「ずっとアプリ最新にしろ画面で進まず終わった…」一直都叫我Ver Update，去唔到下一歩就完咗！

 

仲有好多人喺官方Twitter鬧話用唔到，今次連預約福袋都可以搞到「炎上」，淀橋相機真係唔知點好。

 

不過都有唔少Android用家支持話預約福袋無問題，而Yodobashi Camera都指無証據顯示個Apps有問題。
無片無真相，真係口同鼻坳！睇黎想反映問題嘅用家真係要俾埋證據先會受理喇～

 

不過都只因為Yodobashi 個福袋太受歡迎。

2016年個相機福袋賣50000円，

有人中咗Sony α5100 Double Lens Kits。

平咗成半！

 

以後都係取消上網預約福袋吧啦～