生田斗真熱戀同劇女演員進入半同居狀態

演技備受肯定嘅Johnny’s人氣男星生田斗真（32歲）同一齊合演過日劇《無間雙龍》嘅新晉女演員清野菜名（22歲）傳緋聞已經傳咗成年，不過最近就真係被雜誌偷拍到兩人關係已經進入半同居狀態！

（《無間雙龍》劇照）

2月3日係日本嘅節分，佢哋就被人影到一齊去世田谷區嘅壽司店約會。當日氣溫只得1度，兩人離開餐廳時原本隔開一段距離，但之後都忍唔住在寒冬中緊緊相偎，最後登上的士前往男方嘅高級住宅，仲前後腳落車同入屋添！

▲被拍到離開生田斗真住所嘅清野菜名

根據女方嘅友人透露，清野經常向生田取經，每次演技上有問題或對動作戲份感到疑惑時都會同生田認真討論。而生田亦都會認真解答佢嘅問題。兩位對工作嘅想法相近，亦係中意演戲嘅好伙伴，所以從來唔嗌交添！另外生田斗真嘅友人都大爆佢會邀請清野去佢同其他男演員嘅聚會，但喺大家面前，比起「女朋友」更加會以「值得信任嘅演戲夥伴」去對待清野，不過其實大家都知道佢哋嘅關係。