好多時去開秋葉原嘅朋友，明明唔係咁鍾意啲獎品，屋企又冇咩位擺，隨時玩完啲副產品要當手信四圍「送俾人」(即係迫人要)，但又總係會走入遊戲機中心到玩「挾公仔」。不過如果有朝一日，收嗰朋友突然同你講：「X！ 老翻當手信？」你話幾樣衰呢……
唔好以為秋葉原冇老翻呀！ 上月尾秋葉原一間遊戲中心「秋葉原クレーン研究所」就因懷疑售賣侵權物品被日本警方「拉人封舖」，而除咗今次係首次有店舖真係因為違反著作權法而被轉介至檢察廳外，尋日BANDAI NAMCO同SEGA竟然雙雙封殺秋葉原クレーン研究所既姊妹店。
遊戲供應商因為咁而CUT機舖條線應該就真係先例啦。現時嘅情況係：
需要使用由SEGA提供「ALL.NET」線路嘅遊戲統統暫停。
需要使用由BANDAI NAMCO同提供線路嘅遊戲(即係高達嘅戰場之絆同EXVS系列之類)全部冇得玩。
簡單嚟講即係「對戰全部收檔」！
據秋葉原クレーン研究所社長供認時就曾透露，佢地用老翻做景品嘅『LoveLive！』遊戲機，1個禮拜就已經有170萬日圓銷售額。所以大家日後真係唔好大安主義以為秋葉原冇老翻，最好都係光顧有信譽嘅店舖啦。(其實秋葉原クレーン研究所一句都出名…賣假野XD)
資料來源：
朝日新聞デジタル http://www.asahi.com/articles/ASJCY3K3BJCYUTIL01J.html
はちま起稿 http://blog.esuteru.com/archives/20006261.html
About Post Author
