騙徒手法層出不窮！ 自早前任天堂推出「迷你紅白機」以來，一直受到各大粉絲同炒家嘅熱烈追捧，推出初期甚至去到「一機難求」嘅地埗。有不良賣家就趁住呢個機會以誤導手法圖利。
事緣最近在YAHOO拍賣(日本)上會出現題目為「新品 ニンテンドークラシックミニ ファミリーコンピュータ」(新品 NINTENDO CLASSIC MINI FAMILY COMPUTER)嘅出品。(如圖)
睇起嚟係賣緊迷你紅白機吧。而且由於有好多人出價，例如圖中拍賣就已經到8999日圓。而說明一欄更加有齊迷你紅白機嘅商品規格、內置遊戲等資料，甚至連「本品需要連接USB供電」都有寫。
不過如果睇真啲，你會發覺說明第一行(紅字)係有寫「本拍賣為非賣品嘅官方商品目錄(本遊戲機本體)，詳細請參照圖片」。詳細請參照圖片﹖ 即刻望望頭先幅圖…… X你亞洲電視商品目錄嚟嘅！ 原來佢賣嘅係迷你紅白機嘅商品目錄。
不過你又冇佢符。因為佢說明同圖片都好清楚講明係目錄，而且連商品分類都係登記於「書籍及雜誌」一欄，真係
冇計！ 如果大家唔逐粒字睇晒，真係隨時中計！
本來就算係做炒家，都已經唔係咁好㗎啦，但自由市場底下都重叫做有供有求，但係用啲接近欺騙嘅手法做生意，就更加不可取！ LikeJapan在此呼籲各位市民，騙徒無分國界雖然某國好似特別多，各位網購嘅時候記得打醒十二分精神，唔係隔兩個海真係唔知點追！
About Post Author
