日版《那些年》預熱！日版主角劇照設定大公開

相信之前2011年香港上映「那些年」果時大家都有去戲院睇過，果時仲掀起咗唱「那些年錯過的大雨那些年錯過的愛情～～」嘅唱K熱潮！而去到7年後嘅今日，日本開始翻拍「那些年」日版，仲搵喺咗年輕男演員山田裕貴同乃木坂46嘅齋籐飛鳥擔任男女主角！而日版預計會係今年秋季上映，敬請期待！

其實，日本版翻拍依套電影，喺唔少情節、人物設定上面都有修改過，所有登場角色更變成咗日本人名！以下我地睇睇日版嘅設定啦～

主角名字、登場背景

日版電影名字叫做《あの頃、君を追いかけた》，意思同台版名稱「那些年，我們追過的女孩」相若。台版叫人熟悉嘅「沈佳宜」已經不復存在，到日版女主角換成叫「早瀨真愛」，聽到個名就已經覺得好有純愛嘅感覺！而台版男主角「柯景騰」到日版就叫做「水島浩介」。而台版嘅背景設定係1994-2005嘅台灣，引起咗唔少人對自己高中時代嘅共鳴。然而日版修改咗時時代設定，變成咗2000年以後嘅日本，睇嚟製作組想拍日式嘅校園純愛故事。不過大家唔洗擔心，日版都會去台灣取景，特別係男女主角約會、放天燈果幕，都係同台版同一個地方嚟架。

男主角

男主角「水島浩介」由27歲嘅日本年齡演員山田裕貴飾演。佢拍過唔少嘅日劇，包括《GTO》、日版《惡作劇之吻》等等，拍劇集經驗相當豐富，不過拍電影就係第一次。對於今次電影，山田在日本訪問中話過「回想起自己嘅高中時代，係非常低能幼稚的。依個作品對比咗男孩子嘅幼稚同女仔嘅成長，非常有趣。男主角一開始討厭女主角，再慢慢因為兩者嘅交流去縮短距離，依一部份雖然令男主角成長咗，但仍然保持住幼稚嘅地方」「我第一次拍電影，雖然有唔少嘅難處，但係我十分信賴其他工作人員同演員，應該會拍到好好嘅作品」

山田日前為左拍那些年，仲放棄一頭曲髮、剷咗個平頭！

(山田裕貴 twitter https://twitter.com/00_yuki_Y/media)

女主角

女主角「早瀨真愛」由19歲嘅人氣女團乃木坂46成員齋籐飛鳥飾演。佢都有拍過電視劇，而拍電影就係第二次。不過最為人觸目嘅當然係佢嘅清純、有氣質嘅外表。話說佢係乃木坂年最年輕嘅成員，只有19歲，係如假包換嘅少女啊！各位覺唔覺得佢好襯做沈佳宜呢？據日媒報導，今次嘅拍攝唔少工作人員都大讚首次主演電影嘅齋籐「直覺好好，講1次就理解到，又無乜NG，令人驚訝佢作為女演員嘅潛能！」

齋籐面對今次嘅拍攝，都話過「雖然我都有同真愛(女主角) 嘅接近之處，但如果以我嘅性格去飾演佢，應該會比人話冷淡。真愛並唔係冷淡嘅人，所以我有多加注意」。佢大讚今次攝影可以學到野，「最近一次做戲係舞台劇，喺果度學到唔少演技。而電影同舞台劇有少少唔同，導演話過動一動視線都會影響人物嘅情感，令我覺得驚訝之餘，發覺好難攞到平衡」。