相信好多家長都好煩惱小朋友開學嘅時候會扭晒計唔肯返學，不過日本就有一間超夢幻嘅幼稚園，分分鐘可以令到班小朋友唔捨得放學?，到底係點嘅呢？
呢間位於長崎嘅小濱幼兒園（小浜こども園），就以簡單、自然設計為主。上學期間唔單只可以享受微風同海洋，仲可以俾小朋友喺室內外遊玩同接觸大自然。
美觀且自由開放嘅活動空間受到好多家長嘅追捧，希望可以俾自己嘅小朋友入讀。
到處都可以係小朋友發揮創意嘅地方。
而呢啲咁別出心裁嘅設計都係出於「日比野設計」之手。「日比野設計 幼兒的城堡」（HIBINOSEKKEI + youji no shiro）係一間專門設計幼稚園等兒童相關建築嘅事務所。佢哋秉持使用自然建材、不過度依賴冷氣同人造燈光為設計理念，將大量陽光同自然風引入作開放式建築。
就連一向俾人隱秘感覺嘅洗手間都可以變得自然明亮。
就連樓梯都玩味十足。
如果香港有呢類型嘅幼稚園，唔知家長們會唔會選擇呢類俾小朋友自由奔放嘅校園多於佢哋口中嘅「名校」呢？
日比野設計 幼兒的城堡：http://e-ensha.com/
About Post Author
