日本人出名騎呢加變態我諗大家都知，其中一個作為正常人無法理解嘅，我諗都一定係「女體盛」。有D人可能聽過，但如果未聽過你真係要睇下，不過唔好扮清純，D相係有些少暴露嘅，拿唔準話我褻瀆你地對眼呀，益緊你咋！
女體盛，顧名思義係用少女赤裸裸嘅身體做盛器，喺上面放上壽司和刺身做宴席。
其實係有男體盛嘅，不過相對地少見D。
咁到底女體盛係點黎嫁呢？
原來女體盛喺日本已經有千幾年歷史，而佢出現嘅原因好簡單，就係為左滿足某D男性顧客的特殊要求，即係可以話係古代大和民族極端大男子主義嘅產物。都幾易明丫其實，將人天生追求嘅「食」同「性」結合埋喎，梗係受歡迎啦，雖然有D重口味。
喺邊到會有女體盛？
基本上呢種特殊服務大多會出現喺溫泉旅館之類的地方，除了北陸地區外、另外山陰、北九州（如下關）地方亦有從事類似的服務。
不過由於女體盛都真係唔係個個接受到，所以即使係以上有提供嘅地方都唔會好高調咁俾人知，因為如果被人公開左，就有機會被釘牌。
所以佢地只係會私底下跟熟客溝通傾價錢，而通常價錢係75000yen左右。
我諗如果遊客想去試，都難D有機會咯。
關於訓喺到嘅囡囡，你估易做呀？
日本人做咩都好認真就大家都知，所以對要做「女體」嘅囡囡都有好高嘅要求。
要求一：要係處女
因為日本人認為處女先至真正有內在同外在嘅潔淨。
要求二：容貌討好
的確係嘅，話唒都係對住佢食野，梗係唔可以樣衰啦。
最好就皮膚光潤，白皙，體毛少，身材勻稱，不能太瘦，因為太瘦缺乏性感。
而血型最好係A型，因為日本人普遍認為，A型血嘅人性格平和，沉穩，有耐心，最適合從事呢種職業。
唔好以為過左呢兩關就做得「女體」呀，呢個只係基本要求，仲要經過嚴格嘅訓練先算合格！
變態訓練：HOLD雞蛋
女女會被要求喺裸體上6個不同部位放一隻雞蛋，然後靜躺4個鐘後，雞蛋仍然喺原位不動。
而為左訓練毅力同耐性，喺靜躺過程中，有人會不時地向佢身上灑涷水。如果期間有一隻蛋從身上滑落，訓練就要重新開始。
真係聽到都覺得辛苦！
上菜前會點清潔身體？
清潔真係好緊要嫁，我諗無人會想食埋佢D汗呀，老泥落肚掛？！
放心，佢地係會好徹底咁清潔個body嘅。點徹底法？
就係會進行90分鐘的凈身程式。首先將腿部、腋下的體毛除凈。用暖水淋遍全身，將無香味的肥番梘擦喺一塊海綿上，再用呢塊海綿擦遍全身，令全身都有番梘泡。之後用一個裝滿麥麩的小麻袋揉搓每寸皮膚，徹底去除老化的皮膚角質。再用熱水沖泡，再用絲瓜筋揉一轉。最後用冰水沖涼，以免“上菜”嘅時候身體出汗。夠哂乾淨呀！
點呢，了解完之後有無覺得女體盛雖然帶點變態加重口味，但原來背後日本人係會咁認真對待呢樣野嫁呢？
無諗過呢！呢樣野真係不得不佩服呀！（記住唔係佩服緊女體盛呢樣野）
最後送上極度重口味男體盛：
About Post Author
