日本大人氣零食排行榜！！！
去到日本除左食壽司拉麵刺身之外，當然唔少得零食啦！
咁到底日本 有邊啲零食係最受歡迎，一定要買黎試嫁呢？
就等我話你知啦呵呵！
根據日本網站，最大人氣嘅零食係以下呢N款：
1.巧克力類第一位
明治 チョコかけすぎました 大粒きのこの山
聽網友講，呢粒巧克力口感好好，
上面果部分有兩層，下面餅乾部分都係有巧克力，
唔係呃稱嫁！而且佢獨立包裝，唔洗怕開左食唔哂！
2.曲奇／餅乾類第一位
セブンプレミアム 濃厚クリームのレーズンサンド
呢個曲奇口感柔軟，唔會硬掘掘咬崩牙，
中間果層夾心係滿滿嘅奶油同提子乾，
幾種味道夾埋，食落異常地夾呀！
3.薯片／卜卜脆類第一位
カルビー じゃがりこ おめで鯛味
卡樂B出品嘅零食一向都正嫁啦，
而呢款薯條仔係鯛魚風味，非常特別！
唔洗擔心會好奇怪，因為佢嘅鯛魚味同薯條基本上係融合左，唔會話有腥味定點嫁！
4.糖果類第一位
森永 角切り菓実 マンゴー
又係森永糖啦！！話說森永糖喺香港都好受歡迎，
而最近喺糖果類排名第一嘅就係呢款芒果糖啦！
芒果之餘其實有隻菠蘿味，
據聞菠蘿味就濃味D，芒果就淡味D，
所以如果想買，就睇番個人喜好而揀啦！
5.仙貝／穀類零食第一位
アリックス 十五穀ひなあられ（圖右）
係咪聽個名都覺得健康呢！
無錯啦佢就係用左15種穀物，無添加，低糖，
而且專為成人而設嘅零食黎！
雖然我無食過，但好有興趣試下喎！
話唔定好好味又健康呢！
6.香口膠類第一位
ロッテ Fit’s なめらか杏仁
你無睇錯真係杏仁味嘅香口膠！
鍾意杏仁嘅朋友就岩哂啦，
因為佢一打開包裝就有好大陣杏仁味湧出嚟！
而且屬於低卡路里，一包都只係26卡路里咋！
7.小吃／水果乾類第一位
森永製菓 ジャック ソルティキャラメル
呢隻焦糖果仁又係好吸引！
就咁食果仁食得耐會有D寡，
但如果加埋本身好好味嘅焦糖包住，
就即刻加哂分啦！
係咁多啦！好果有睇啱下次去日本果時記得買嚟試下啦！
About Post Author
