日本打工仔工時長就出晒名，不過日本Yahoo為咗令工作模式多樣化同留住優秀人才，正研究推出一周三休嘅制度，一反傳統嘅日本工作模式。
Yahoo日本社長宮坂学表示工作時間同生產率係有不可分割嘅關係，所以佢地研究將「一周三休制」分階段實施。首階段員工可於每周自由選兩日放假，其後則會逐步改成「一周三休」，目標於數年內達成。
除此之外，Yahoo日本亦會由下月起，為員工提供每月上限15萬日圓嘅實報實銷新幹線車費；而員工每月亦可以有5日在家工作，上班彈性大大增加。
對於香港人嚟講，呢個係咪一個遙不可及嘅上班制度呢？
About Post Author
