睇到個沾醬仲以為老麥又有新搞作，點知原來呢個係出自卡樂B之手嘅全新意式脆薯條！食零食都要點醬食，會唔會講究咗啲！
食開卡樂B零食都知佢地出品冇乜邊款唔好食，所以呢個咁嶄新嘅沾醬薯條大家可以放心試試，連個醬汁都係特別調配，整得咁有心，未開始食先畀個讚佢！
一盒入面總共有兩包薯條同兩位沾醬，賣相似足快餐店外賣盒，好特別！
薯條每一條都脆卜卜，倒落個碟度即刻變咗高級料理，呃得吓人喎！
呢個意大利黑醋沾醬係成份零食嘅靈魂精萃，酸酸甜甜，點住食唔覺唔覺好快就KO咗一包薯條。
如果大家有興趣，落樓下超市或者便利店就買到㗎啦，不過要買趁手，因為卡樂B話係期間限定（冇講會賣到幾時），唔趁而家入貨突然冇得食我都幫你唔到～
意式卡樂脆薯條
發售地點：香港各大超級市場、便利店及零售店
發售日期：2016年11月下旬～
售價：約HK$20
About Post Author
