一到夏天，相信大家想食凍野嘅欲望就出哂黎，咩雪糕呀汽水呀綿綿冰呀，因為熱辣辣果時對住D熱食實在會無乜食慾。但覺唔覺得大部份凍野都係甜品？如果唔係太鍾意食甜品嘅朋友咪好慘囉！但而家話你知唔洗再愁得甜品係凍食啦！因為喺東京都內，有幾款凍食嘅料理！原來唔係得冷麵係凍嫁！
1.亜寿加
呢間餐應位於渋谷，喺JR渋谷站南口出，行2分鐘就到嫁啦。咁佢有咩「冷料理」呢？答案就係「凍担担麵」啦！
「 排骨冷し坦々麺」 950円
呢個就係傳說中嘅鎮店之寶，排骨凍担担麵啦！碗麵面頭有滿滿嘅排骨，而且有醬油同芝麻油兩款醬汁揀，相信配合凍食應該超正呀！
店名：亜寿加
地址：東京都渋谷区桜丘町2-11荻野ビル１Ｆ
2.串天ぷら 段々屋
呢間餐應位於新宿，喺JR新宿站南口出，步行5分鐘就到。呢間嘅「冷料理」就特別咯（我覺得），竟然係「凍天婦羅飯」！咩話？天婦羅飯都可以凍食？係呀你無睇錯。
「冷やし天丼」680円（中size）
大家見唔見到喺飯上面有D好似啫喱咁嘅野？果D其實係湯汁黎嫁！D湯汁會呈啫喱狀，再鋪喺凍飯上面，口感一定好特別！
店名：串てんぷら 段々屋 新宿本店
地址：東京都新宿区西新宿1-14-2
3.かつ吉（渋谷）
呢間位於渋谷 ，喺JR渋谷站出，步行2分鐘就到。
「冷やしかつ丼」1,500円
渋谷真係寧舍多新奇野，呢個係「凍豬扒飯」！講真如果講凍豬扒，我剩係會諗到果D「攤」凍左就變到好難咬又好難食嘅普通豬扒，所以我真係想像唔到凍豬扒飯會係咩味呀！不過都有少少衝動想試下，話唔定好正呢！
店名：とんかつと旬のお料理かつ吉 渋谷店
地址：東京都渋谷区渋谷3-9-10 KDCビルB1
About Post Author
