上年一間喺東京嘅有限公司「大真」開發咗件唔會透視嘅白衫、仲話明任何顔色嘅内衣褲都唔會透視都到，包括喺濕咗水之下都唔會透視都到，仲要拎專利。但係就收到啲騒擾電話打黎鬧。
呢間「大真」係專門做公司制服，喺日本只算中小企，但都努力向前，去開發唔同嘅商品。
今次商品分3種，全部為女性專用，分別有One Piece（連身），Jacket（外套）同Ladies pants（女仕長褲）。售價為14904円、12744円同9504円。比普通嘅白衫制服約貴約20％！
大真指開發原因係制服市場縮小，公司認為最後仲會着制服嘅得返醫療業。而市面上有好多制服指難以透視，但係就無完全唔會透視嘅制服，所以就以完全唔會透視嘅白衫為開發目標。
但係呢幾件完全唔會透視嘅制服最初唔係賣得好，由上年8月至今年6月只出售咗幾套。
不過6月之後東京都中小企業振興公社選咗完全唔會透視嘅制服為新市場開拓支援事業嘅産品之後，好多醫療服務業都開始落單買，喺醫護界仲大受好評！
不過另一方面就受到唔少指責，話有人打黎鬧「有無搞錯呀，賣啲唔會透視嘅制服！我去開個間醫院全部換晒你哋啲制服呀！」「以前入醫院係樂趣，家下就無晒樂趣！就係因為你地賣啲唔會透視嘅制服呀！」
仲有無言同恐嚇電話。
個個國家都有壞人，不過同色情有關係嘅壞人日本特別多。
不過車長就認為件唔會透視嘅白衫係好野黎，保護返個人私隱嘛～
About Post Author
