我發覺近年最受歡近嘅食物已經唔再只係著重於味道，而係賣相愈靚就愈受歡迎。好多商店為左迎合呢個趨勢，就愈出愈多呢D望到已經好想買嘅食物，當中有D係視覺同味覺都滿分嘅，但都有D係得個樣。以下落黎講嘅，就係視覺同味覺都一定滿足到你嘅大熱食物－彩虹圈！
彩虹圈喺紐約非常流行，流行到傳埋黎日本。而喺日本，就只有一間鋪頭食到佢，咁究竟係邊間咁威威豬呢？（最尾話你知）
將彩虹圈切開一半會發現入面同樣咁靚！而入面嘅cream可以揀朱古力／cream cheese，大部份人都岩食。
到底係日本邊到可以買到呢？就係喺自由の丘嘅一間Cafe－「NEW NEW YORK CLUB」呢到。
彩虹圈／600円
不過要留意！！呢個咁特別嘅彩虹圈，係星期六限定嫁！即係話只有星期六先食得到，喺朝早11點開始賣，數量限定，所以有機會會出現一條小人龍。由於係數量限定，如果唔想黎到食白果嘅就最好中午前黎到啦！
「NEW NEW YORK CLUB」仲有其他紐約好出名嘅小食，好似呢個芝士三文治咁（600円），相信一聽到芝士唔少港女們都已經瘋狂！
仲有呢個雪糕三文治（650円）。
如果去開東京，又想買D勁靚勁好食嘅小食的話，就一定要試下呢個彩虹圈啦！雖然佢係紐約hit到過黎，但都非常受日本人歡迎，又可以po ig呃likes，正呀！
About Post Author
