又就嚟到聖誕！喺咁普天同慶嘅大日子，連可口可樂都話要搞搞新意思，只要將樽身可上嘅包裝紙一拉一貼，成支普通到極嘅可樂即變身為耀眼裝飾，陪你過一過更特別嘅聖誕～
呢隻咁特別嘅包裝係聖誕期間限定，仲有無糖可以揀，由11月7日起喺日本有得買。
至於點拉呢？真係超級簡單，首先係輕輕將包裝紙喺樽身搣落嚟，不過唔好搣哂，要留返1cm倒喺樽身。跟住喺包裝紙上拉印有箭咀出嚟，條包裝紙就會變成一個絲帶花㗎啦。最後將膠帶圍住樽身兜個圈痴返實就搞掂喇！
成個過程30秒都唔使，好好玩。不過記得可樂要喺常溫下先整到，雪凍咗有倒汗水係痴唔實條膠帶嘅。
講好似好複雜，做起上嚟其實真係好簡單，如果都係唔明就睇吓可口可樂條片點示範啦~
開售日期：11月7日
售價：¥140
About Post Author
