[放送室]爆笑專訪 搞笑空氣樂隊 Golden Bomber

今次Like Japan請嚟日本冇人唔識嘅搞笑空氣樂隊 Golden Bomber（「金爆」）做訪問，

佢地瘋狂自high笑爆咀，大家唔好飲住水睇條片呀～～

                   

爆笑表演 隊長一手包辦

Golden Bomber嘅演唱會成日都好搞笑，表表吓演剪頭髮、無限cosplay等等，

原來所有嘢都係隊長鬼龍院翔一個人諗㗎！

 

咁其實隊長以外嘅三位成員冇表演嗰陣有咩做？

喜矢武豊（吉他手）：我會喺屋企食香港菜！                    

歌広場淳（貝斯手）：我會去坐遊輪～

樽美酒研二（鼓手）：我基本上放假都係打高爾夫球～

三個人都話：「對音樂嘅熱情？冇㗎！咁難～我地唔識㗎www」

 

「廣東歌」《成龍很酷》 歌詞 來自成龍電影主題曲

2012年金爆推出咗一首「廣東歌」《成龍很酷》，聽落似廣東話，但完全唔知佢唱緊乜！

原來首歌係隊長鬼龍院翔一邊聽住成龍唱嘅《香港警察》主題曲，

（小學成日唱成「流鼻血～食炸彈～」www）

一邊用日文標低晒佢所聽到嘅廣東話發音，再將嗰啲音砌返入首歌入面，

所以根本就唔係廣東話，歌詞內容都係冇意思嘅==!

 

白面樽美酒 一痕就要用牙籤！

樽美酒研二為咗keep住先代鼓手流傳落嚟嘅傳統，每次喺公開場合都會以白面妝示人。

問題係，當佢塊面痕嘅時候，係點?痕㗎呢？

原來係用牙籤拮！

你睇佢一拮完個樣幾治癒！

跟住佢又話因為化咗妝冇得抹鼻水，有時會索返啲鼻水入口食落肚www OMG

 

爆料時間！每個成員都有個不可告人嘅秘密！

鬼龍院翔被踢爆間房好污糟，成間房都係紙巾！

（題外話：鬼龍院翔嘅興趣就係喺酒店睇收費成人台…）

 

喜矢武豊就被踢爆有脫髮問題ww好快就會變成小丸子個爺爺www

佢自己都話「個頭有一半係植髮～」

樽美酒研二被爆有2億日圓身家～不得了啊！

歌広場淳被爆欠債累累，佢就自稱有3億日圓欠債，但樽美酒唔肯借錢比佢ww

 

金爆話自己似《櫻桃小丸子》入面嘅…

鬼龍院翔－＞野口同學  哼，哼，哼…

喜矢武豊－＞小丸子  因為成日激嬲阿媽

歌広場淳－＞藤木同學  因為成日出貓

樽美酒研二－＞浜崎同學  因為成日都玩到好癲

 

順帶一提，由金爆唱主題曲嘅《櫻桃小丸子30周年紀念特別劇場版》由聽日（5月13日）起就會喺嘉禾院線獨家上映，

特別版電影套票會送一套劇場版嘅信封信紙套裝比大家～

 

嘉禾黃埔更仲特別設有小丸子櫻花攝影專區㖭～～～

 

有興趣嘅朋友仔記得入場支持吓啦～