日本夏天不可不提嘅三樣必做節目:祭典﹑海水浴場同埋花火大會。之前成日去日本都撞唔正花火大會既期(因為8月買機票特別貴)，只係去過一次河口湖山開きまつり花火大会，但感覺真係好震撼，因為所有煙花都好似係離自己好近嘅地方散落，再加上俾山圍住好強回音，而且人好少(呢樣野都幾重點，睇埋落下面你就會明)所以帶俾筆者好大嘅感動，一直都好想再去多次花火大會，可惜機票問題臨時趕唔上，不過都係一個好機會試下其他花火大會。於是今次就揀左係7月30號舉行既隅田川花火大会。
隅田川花火大会係每年7月最後一個星期六淺草隅田川一帶舉行，搵搵資料，原來都係東京都第四受歡迎既花火大會，往年有成約百萬人次!(河口湖個次我諗得一百人次)。聽淺草站一出幾條橋兩岸一大早就經佈滿人群。
聽講如果唔想同人搶地盤舒舒服服咁睇都有辦法嘅~第一就係俾錢買指定席，指定席位置一定會睇得清楚，而且每年早幾個月前開售。不過除左一早開售，亦都要抽選過先可以買，所以除左要預早計劃仲要經過抽選。第二個方法就係去SKYTREE睇，SKYTREE睇當然又靚又有冷氣又舒服，不過聽講都係要經過預早抽選。所以如果好似筆者咁無好早計劃的話就只好去跟別人擠位置了。
隅田川花火大会分兩節舉行，第一節的花火時間係19:05-20:30發放於櫻橋一帶;第二節1930-2030駒形橋一帶進行，基本上係兩橋之間的地域便能看到煙火。筆者這次係駒形橋附近，所以第一節的距離比較遠，可是還是看得清楚。
第二節開始時候因在和筆者很近的位置，所以人群突然瘋狂往這邊推(日本人推撞上來認真唔講得笑)。於是被瘋狂推撞後差點抖不過氣，而且因為花火大會舉行一個小時，所以未到完結時間唔好話離場，連走動也沒有可能(不用想可以像年宵行維園那樣行得動，是沒可能動的)而且日本人平衡力很好，即使怎樣被推也不會反抗或跌倒，結果瘋狂被推的好似只有筆者。雖然花火離很近，都算震撼，但不會是香港那種一次過放很多很多連環圖那樣，而是一發發的，多半是一發完了再一發這樣(而且個人覺我推既人群更加震撼)。說實在的，其實看了十五分鐘左右已感覺缺空氣想逃離現場，但沒完場係無可能走的關係還真的滿辛苦，特別是長得比較矮的女生更痛苦」:_:。
好在附近有位男生全程幫我擋開啲人，啲人一撞過尼就會幫我擋開，無限感謝，如果唔係筆者應該沉沒在係人海。完場後因為人太多，散場亦要一定時間，幸好住係淺草。但整體尼講，都真係幾辛苦，而且人多真係一個好要命嘅因素。所以會同大家推薦去少人少少嘅花火大會，如果想體驗好似日劇或者動漫好浪漫個種煙火震撼又可以表白個種氣氛，河口湖山開きまつり花火大大會絕對係一個好選擇。但呢種體驗點都要有嘅…再次感謝拯救左筆者一條小命嘅男生。
全力支持：大新銀行、香港航空、中國平安保險
About Post Author
