喺全日本有393間分店嘅Village Vanguard 聲稱自己係「EXCITING BOOK STORE」，不過我從來都冇當過佢係書店，而係一間超低能勁搞笑嘅騎呢精品舗……嗱，你睇吓啦，喺門口望入去，邊鬼到見到書呀！
入澀谷店望下先！嘩依系列大波T-Shirt好受歡迎～想變大波妹洗咩隆胸咁麻煩呀～～
拼上身睇下先！點呀～～～係咩好大呢～
女仔可以買靚T-Shirt，男仔可以買底橫！著住佢馬上雄風盡現，自信都返晒嚟！
啱啱件T-Shirt 18禁就話明啫……點解連咖哩薯片都要18禁……
原來由於依包shake shake咖哩薯片太辣嘅關係，所以唔夠18歲唔比食！個包裝仲寫住shake shake個陣要千萬小心，萬一啲勁辣咖哩粉飛到周圍都係就大件事！另外如果手指有傷口嘅為食貓最好就帶返隻手套先好掂啲辣粉啦……聽落好似世界級咁辣咁，有冇人想挑戰下？
同樣都係咖哩，依隻男朋友咖哩就SWEET得多！辛勞一日之後返屋企，可以享用到SWEET到爆嘅男友咖哩，仲要同你講：「我會一直係你身邊！」好冧呀！（其實係係我身邊定係係我肚入面？）
咦，打晒格仔個pat嘢，好明顯係舊米田共嚟喎！原來依盒係大便咖哩，入面仲有啲未消化完嘅粟米……大家想食大便咁款嘅咖哩，定係咖哩咁款嘅大便？
將D米田共咖哩放係個屎坑到食就啱晒啦！（誤）
唔理你揀大便定咖哩，兩樣一樣重口味，食完緊係要飲返杯啦！依個冰格正野呀，將D冰雪到一舊舊復活島石咁，好頂癮！
嘩嘩嘩！係人氣西多士背囊呀！忽然我好掛住香港茶餐廳嘅西多:'(
唔想食西多，不如煎隻太陽蛋啦！（死啦最近我一聽到「太陽」兩個字就以為講緊仲基Oppa套神劇，有冇人可以幫我解下毒…）
咩話，唔鐘意洋食，要揀和食呀？咁依系列壽司襪啱唔啱你心水呀～～我想要最右邊個對三文魚子襪！
點解冇蝦壽司襪嘅？原來D蝦拎晒嚟做頸枕！
坐住依舊樹頭坐墊，我突然覺得大自然淨化咗我都市人煩囂嘅心靈呀～
除左樹頭坐墊之外仲有樹枝筆袋，不過近睇感覺好不安……
依碌靚蔥不求人好正！有冇成日腰酸背痛嘅朋友有需要呀？好新鮮㗎！
等等先，點解我細個?陣個豬仔錢罌會係依到出現嘅！乜日本都有㗎咩！
仲有大人細路都一定識嘅Mario背景音樂CD！好正呀！
電話殼都幾多款㗎～
最後比錢個陣先見到－搞怪口味香煙！朱古力味啦、雲呢拿味啦、咖啡味啦、橙味啦……買返盒送比食煙嘅朋友都幾好喎～
想查分店資料同最新貨品就去VILLAGE VANGUARD 個官網睇搵啦～～～～
About Post Author
