USJ「哈利波特魔法世界」期間限定活動　11月5日完結

如果你或者身邊有朋友係哈利波特嘅fans，一定有聽過甚至去過日本環球影城嘅「哈利波特魔法世界」。今年4月開始，魔法世界就推出咗兩個新活動，其中一個去到11月5號就完，唔想錯過就要睇下喇！

「疾疾，護法現身！」晚間表演
入夜時分就係表演開始嘅時間。表演利用霍格華茲城堡做舞台，燈光投影加上聲音嘅配合，令你好似入咗哈利波特嘅電影咁，見證同催狂魔交戰嘅時刻。

開演時間：
由今日去到11月5號每一晚都有呢個表演睇。十月會喺夜晚6點左右而十一月會喺夜晚7點左右。仔細開演時間會因應天氣等因素轉變，去之前可以上網check下。

「魔幻奇杖」特別體驗
今年4月新推出嘅遊戲，只要買支魔杖，去到指定嘅地方，就可以體驗下揮動魔杖用魔法嘅樂趣。就算係麻瓜，只要經過練習就可以用魔法！

未來活動預告
計劃緊冬天去日本旅行？哈利波特魔法世界嚟緊都會推出特別活動,，令你感受節日氣氛。

霍格華茲魔法之夜~winter・magic~(譯名未定)
霍格華茲城堡嘅新晚間表演，唔知雪白嘅城堡今次又會帶嚟咩魔法呢。

活米村嘅聖誕樹
喺聖誕樹前面揮動魔杖，聖誕樹燈飾就會有所變化。