上個星期東京澀谷開咗間最新嘅24小時MEGA驚安の殿堂（「驚安」），
依間驚安係「進化型旗艦店」，有成7層咁高，快啲去睇下有咩重點推介啦～
小編覺得第1至3層係重點血拼區，冇時間嘅話可以考慮淨係行依三層！
首先一入門口就係手信專區，東京、大阪、北海道等等限等零食都買得到！
另外驚安又好貼心地整咗個抹茶專區，方便抹茶控們一次過睇晒有咩正嘢！
2樓係零食飲品區，當中唔可以走寶嘅當然有各款超抵零食啦～
好似依個雪糕筒餅乾咁，50円，好平啊！
唔知有冇愛茜之人喺到？近期東京好興食芫茜味零食，但想買起嚟又成日都買唔到＞＜
驚安就整咗成個專櫃放芫茜味零食同飲品（係啊連飲品都有＝＝）
另外港人宵夜最愛嘅杯麵有好多好多選擇，當中有啲仲係超抵價，一定平過去便利店買！
3樓係藥妝天堂，藥妝數量多過一般驚安3倍；
至於4樓係衫褲鞋襪、5樓賣文具家品、6樓係美容家電，
有時間嘅朋友可以慢慢尋寶～
而小編想特別同大家推介嘅係B1嘅超市！首先見到佢個78円Corner已經覺得好吸引～
佢又有賣好多便當同壽司、手卷等等，買宵夜一流！
最令人震驚嘅係佢嘅特價水果真係平到你唔信，
例如10円1袋香蕉，姐係唔洗2毫子就買到一枝蕉…
平到你唔信啊！！！！
因為依間MEGA驚安の殿堂真係好大，建議大家最少預留2個鐘時間慢慢行^^
我而家成枱都係喺驚安買嘅超抵零食…大家都記得要小心個荷包同脂肪啊～～～～
About Post Author
