【Like Japan放送室】新宿陪酒女郎教你夜總會小知識！

一連四集嘅《Like Japan 放送室》同大家介紹咗日本嘅陪酒女郎文化，講過派遣陪酒同埋陪酒女郎嘅職場故事，今日就繼續由現任陪酒女郎Moka同Shinobu同我哋講下陪酒女郎先知嘅小知識啦！

▲陪酒女郎同客人坐枱嘅時候，要落order或者叫店員嘅時候其實就唔方便大大聲叫出嚟嘅，所以佢哋通常都會有一系列嘅手語同店員溝通。利用呢啲手語，佢哋可以叫到店員幫佢哋拎杯、冰、酒、杯墊、乾毛巾、濕毛巾、煙灰缸等等，而呢啲手語雖然可能每間舖頭會有少少唔同，但都係大同小異嘅。

▲另外，上集都提過，陪酒女郎係賣酒唔賣身。我就同佢哋做咗個小測試睇下佢哋到底邊到摸得邊度唔摸得。原來Moka同我講，每個陪酒女郎心入面嘅準則都唔同，佢就覺得普遍係可以摸膝頭哥以下嘅部份，但如果摸到上大脾嘅內側、或者屁股甚至胸部就不能接受。佢哋話好多外國客人都唔知佢哋其實唔摸得，不過必要時佢哋就會出絕招，就係捉住客人對手！Shinobu話佢嘅絕招就係同客人越坐越開，或者邊捉住客人對手邊微笑但沉默地望著客人。