今次要帶大家去到東京郊區嘅國分寺～
食一間成日都排起碼30分鐘以上嘅人氣流心Pancake，「eggg Cafe」！
「eggg Cafe」係一間雞蛋專門店，除咗佢哋人氣嘅流心Pancake之外，佢哋仲有超好食嘅蛋包飯㗎～
由國分寺坐10分鐘巴士再行5分鐘就到，一到已經見到超多人喺到等緊～去到先留名，佢哋會有櫈俾你坐住等～
雖然而家去天氣好凍，
但係佢哋非常貼心，除咗會俾熱茶你暖住等之外，
佢哋仲會俾自家培植嘅蕃薯Service你，雖然係好細件但都超甜超食
（想食多啲嘅可以同佢哋買～）
（想食多啲嘅可以同佢哋買～）等緊嘅期間可以先睇佢派俾你嘅Menu慢慢諗定食咩
佢Menu有幾種唔同俾你揀，
蛋包飯方面(全600Yen)有白汁，蕃茄汁，肉汁，牛肉洋蔥汁～
Pancake方面除咗有流心Pancake(500Yen)之外，
仲有流心焦糖燉蛋Pancake(650Yen)，原味Pancake(500Yen)，
和風Pancake(650Yen)同埋西多士(550Yen)。
怕唔夠喉嘅仲可以加唔同Topping，例如Cream，雪糕等等～
（流心Pancake，原味Pancake，西多士要另外叫醬汁）
我大約12點半鐘左右去到，等大約30分鐘就入得啦！
唔好睇佢好似喺室外會好凍咁，其實佢入面真係好暖
入到係先俾錢之後再坐低等，難得嚟到就緊係要食哂咸甜兩樣
所以我點咗個茄汁蛋包飯同埋一個焦糖燉蛋Pancake加雪糕(共1400Yen)
等咗大約5分鐘之後蛋包飯就上枱啦～
唔算好大份，如果淨係食個蛋包飯可能會唔夠（或者可以加100Yen加大）
上面嘅蛋入口即化好好食，牛油味唔太重，
蕃茄汁甜中帶酸加埋入面嘅茄汁飯好夾，唔覺唔覺就食哂
食完蛋包飯之後等大約5至10分鐘Pancake就上枱～
Pancake同樣唔係好大份，
不過其實份量啱啱好（因為成日食唔哂）
）
如果係加雪糕就會直接放上Pancake上面，如果加Cream嘅話就會分開上。
就咁睇其實可能會覺得係一般Pancake..
但係一切落去…不得了～～
佢入面嘅吉士醬流哂出嚟～見到都流哂口水
Pancake質感唔會好泡，係似自家製嗰種軟中帶實，
上面層焦糖脆脆哋，加埋流心吉士醬同蜂蜜醬，完美！！！
因為唔大份嘅關係，食完都唔會覺得好膩！
不過食完個蛋包飯之後再食Pancake就可能會覺得好飽
（所以同朋友去食可以分下點食會啱啱好
）
）
平時食Pancake都唔會話想去同一間再去食多次，
但係依一間我真係會想再去食
除咗比起其他Pancake店夠特別同好食之外，價錢亦都非常平價，
唯一係對住市中心嘅朋友嚟講真係比較遠咗少少，
不過就算遠都值得食嘅感動！
真心推介
去嘅方法一共有4個～
1.由花小金井站南口出
之後搭國分寺北口行嘅立川巴士，喺共濟住宅前落車
2.由武蔵小金井站出
之後搭小平站南口行嘅西武巴士，喺回田本通り落車
3.由小平站出
之後搭武蔵小金井站行嘅西武巴士，喺回田町落車
4.由國分寺站北口出
之後搭昭和病院行嘅立川巴士，喺共濟住宅前落車
（我係用第4個方法去）
營業時間係09:00至20:00
逢星期二休息～
提提大家，如果成日都會去日本旅行可以申請AEON CARD JAL信用卡
用呢張信用卡喺日本海外簽賬$6蚊會有1里數（其實香港本地食肆都係！所以好似我咁為食就一定好啱用），儲里數換機票就啱晒，20,000里就可以換到東京或者北海道機票！
臨走前如果喺成田機場飛，用呢張卡喺Japan Duty Free免稅店及JAL Duty Free免稅店都有95折！
唔少朋友臨上機前都會係免稅店掃埋手信、零食同藥妝返屋企，有95折又可以慳多少少！
About Post Author
