神奈川嘅相模灣向來都係日本其中一個重要嘅漁場，所以由三浦半島經小田原市到真鶴半島一帶都分佈咗各種規模嘅漁村同漁港，好似三浦半島嘅三崎港嘅年度交易額就係全日本頭十之一。
今次要介紹嘅地方，就係喺相模灣都幾有名氣嘅濱燒放題「あぶりや」！「あぶりや」提供超過40種食材，包括多款鮮魚同貝類食材，80分鐘任燒連任飲3000日圓(未計稅)就可以落樓！(*留意唔包酒精飲品*另外如果係散叫食物，任飲就係1300日圓80分鐘)
【價格資訊】
＜濱燒放題＋任飲連3隻蠔＞
成人：3000日圓・小學生：1700日圓・未就學兒童：1200日圓・65歲以上長者：2500日圓・3歲以下免費
＜濱燒放題＋任飲＋蠔任食（期間限定）＞
成人：3500日圓・小學生：2000日圓・未就學兒童：1500日圓・65歲以上長者：3000日圓・3歲以下免費
※價格未計消費稅，留意食物散叫時任飲係要另外俾1300日圓。
由最近嘅JR東海道線早川站行過去大約5分鐘左右，當然亦可以選擇由小田原站打5分鐘的士過去，總之睇行程做人啦。
門口個牌「小田原早川漁村」非常搶眼好認。
由於餐廳喺正小田原漁港入面，每日直接由市場入貨，日日新鮮。店家會按季節更新食材，魚類嘅款式都唔少，其中包括油甘、呑拿魚、劍魚、鯖魚，甚至連鯊魚都有。
亦有手掌咁大嘅蝦(唔好意思，我手細……)、亦有帶子、白貝、螺、魷魚等，總款式超過四十款！
燒雞肉串……
除咗海鮮，魚味噌湯、白飯、魚咖喱同蔬菜之類就梗係走唔甩。
任食！浜燒！海鮮！收齊料就放晒落去燒喇喂！ 望住個貝殼慢慢打開嗰下真係好奇妙！ 嗰種心急同期待大家GET唔GET到？
店舖非常寬敞，每檯都唔會有太迫嘅感覺，另外留意呢度同日本M記一樣，食完嘅餐具要自己執返出回收口。
連說明書都有，教埋你點燒
小田原早川漁村
漁師の浜焼 あぶりや
地址：神奈川縣小田原市早川漁村1-9-6
前往方法：JR東海道線早川站步行約5分鐘或於小田原站乘坐的士(約5分鐘車程)
網址：www.gyoson.com
営業時間:10:00-22:00
About Post Author
