上次介紹咗日本女裝秋冬季，今次就講下可以戴得靚又戴得型嘅帽款啦。日本人好鍾意戴帽㗎，除咗有啲帽款可以擋下太陽之外，佢哋都係Fashion嘅一部分嚟！襯好咗一套靚衫之後，配搭同樣好重要，加頂帽就可以令整體感覺更有味道！呢兩年就比較流行畫家帽，仲有一直都多人戴嘅Cap帽同圓頂帽，輕鬆幫你塑造文藝復古look。以下分享呢三款帽嘅配搭相，有啲係日本模特兒都好喜歡嘅帽款，大家可以參考下，今個冬季配搭就可以啦！
畫家帽
通常畫家帽就以單色為主，黑白色就當然最多人用，自己就覺得棗紅色或者橙黃色都可以用嚟襯番vintage啲嘅服裝。戴畫家帽唔需要好斯文㗎，型少少就咁著件衛衣再加頂帽都好靚。質料方面就通常都係絨面，因為襯返冬季嘅感覺嘛～
水原希子的示範～ i_am_kiko@Instagram
Cap 帽
Cap帽相信唔洗點介紹，因為佢一直都係最多人戴嘅帽款，留意到嘅係今年頗多燈芯絨質地嘅Cap帽。顏色方面想復古啲可以選擇鴨綠、卡其色，牛仔布嘅Cap帽都好容易襯。戴Cap帽著嘅衫就可以Sporty啲，簡約為主。
圓頂帽
圓頂帽喺秋冬季用嚟襯衫十分有型，個人覺得可以著長闊褲或長裙，顯得個人修長啲，再加皮鞋嘅打扮去襯圓頂帽。另外，因為今年好流行Choker，戴條黑色Choker都好襯圓頂帽㗎。
桐谷美玲的示範～ mirei_kiritani_@Instagram
小嶋陽菜的示範～ nyanchan22@Instagram
睇完咁多款式，今個秋冬季都可以一齊試下帽款嘅配搭啦！
About Post Author
