2011年，對於喺業界出咗名「血汗工廠」，SONY傘下「Aniplex」嘅子公司「A-1 Pictures」都算係豐收嘅一年。由『青之驅魔師』系列、『我們仍未知道那天所看見的花名。』(未聞花名)、『歌之王子殿下系列』以及『THE IDOLM@STER』(淨低嗰套麻煩當睇唔到)都錄得非常好嘅成績。其中『我們仍未知道那天所看見的花名。』，就更加「哭崩十三億人」，真係套值得放入名作殿堂嘅作品。
『未聞花名』由之前負責過『TIGER×DRAGON！』嘅長井龍雪+岡田麿里+田中將賀擔旗，當時一公佈製作已經引起大家嘅注目。而實際上佢去到最終回時，平均收視率亦以3.9%創下noitaminA頻道嘅最高紀錄。
作品主要圍繞死咗個兒時玩伴嘅主角群嘅罪咎感以及成長等主題展開，當中亦有淡淡嘅戀情同朋友之間嘅人際關係等，係十分重視戲劇性同劇本嘅作品。而受惠於秩父橋、實正山定林寺等地方成為作品重點場景，成功吸引大量動漫迷到訪，令秩父旅遊業一度變得非常興盛，效果同玩開振興旅遊業嘅P.A. Works比，真係一啲都唔失禮。
下面有動畫版大結局重溫!!!! 會劇透架!!!!!!!! 有可能會喊架!!!!!! 警告咗你啦!!!!!!!!
————————————————————————————————————————————–
About Post Author
