繼上次介紹完全10層嘅「Round1」之後，必定有朋友會覺得唔夠喉，
所以今次就同大家介紹更大型，
有50種類以上娛樂運動遊樂場所，「Spo-cha」！
依間Spocha係Round1旗下嘅大型娛樂運動遊樂場，
東京只有台場店同板橋店先有㗎～
佢一共有幾個唔同嘅Package，例如90分鐘，3小時又或者係任玩，
可以因自己嘅時間去揀～
Spo-cha營業時間係上午8點到上午6點，
由上午8點到23點任玩都係2690Yen（平日），
23點到上午6點就2190Yen（平日），非常抵㗎！
而錢就係玩完之後先俾錢，
所以同佢講完要咩Package佢就俾個牌你，之後就可以入去玩㗎啦～
佢哋入面有Locker，
只要100Yen就可以放自己啲行李入去（100Yen可以拎返)
咁就可以玩得舒服啲啦～
台場Spocha一共有3層，
首先係7樓有例如籃球，羽毛球，排球，棒球，桌球，
乒乓球等等嘅球類運動，仲有滾軸溜冰／平衡車區，
任玩嘅遊戲機區，球類小遊戲，射擊，卡啦OK等等㗎～
而8樓就係休閒區，有可以邊睇漫畫邊坐按摩椅嘅休息區，
同埋小朋友都可以玩嘅兒童遊戲場～
所以一家大細去都唔怕會悶親小朋友㗎～
9樓就係天台，有比較大嘅球場玩足球，排球，羽毛球同埋網球～
如果冇波鞋唔洗擔心，佢哋係有出租波鞋俾你㗎～(7樓球類運動亦有）
仲有如果流咗好多汗又唔想帶衫去換咁麻煩，
佢哋亦有毛巾，T-shirt，襪可以俾你買～
入去玩嗰陣記得自己時間，
如果唔係每隔15分鐘就加你100Yen～200Yen㗎啦～
同埋跟日本法例規定，
18歲以下嘅人係23點之後係不得入場，記得留意啦～
Spo-cha 台場店 地址：
東京都江東区青海1丁目1番10号 ダイバーシティ東京 プラザ 6階
去到日本喪食喪玩喪洗錢嘅同時，記得順便賺里數！
而家AEON JAL Card迎新至抵可以做到最低$1.72 = 1里！
呢張卡喺日本海外簽賬同香港本地食肆本身都有 $6 = 1日航里數優惠！
而家迎新簽滿指定金額額外送5000里，圍返即係低至HK$1.72 = 1里！
只要儲夠20,000里就可以換日本來回機票喇！！提埋你，換東京同北海道都係一樣里數！
About Post Author
